بازتاب نیوز

د اسيا جام سياليو کې نن پاکستان او هانګ کانګ لوبه کوي

٢٥ وږی ١٣٩٧ د كليد ګروپ

د كركټ د اسيا جام سياليو دوهمه لوبه نن د پاكستان او هانګ كانګ د لوبډلو ترمنځ ترسره كېږي.

پرون په متحده عربي اماراتو كې د كركټ د اسيا جام د ترسره كېدونكو سياليو په لومړۍ لوبه كې بنګله دېش سريلانكا ته په ۱۳۷ منډو ماتې وركړه.

دا لوبه ماسپښين په دوبۍ كې پيل شوه او تېره شپه پاى ته ورسېده.

د بنګله دېش د كركټ ملي لوبډلې په ۴۹ اعشاريه ۳ اورونو كې د ټولو لوبغاړو په سوځېدو ۲۶۱ منډې وكړې، خو د سريلانكا لوبډلې وركړل شوى هدف پوره نه كړ او ټول لوبغاړي يې په ۳۵ اعشاريه ۲ اورونو كې د ۱۲۴ منډو په كولو له لاسه وركړل.

په دې سياليو كې، چې د روانې سپټمبر مياشتې تر ۲۸مې نېټې دوام كوي، د افغانستان، پاكستان، هند، سريلانكا، بنګله دېش او هانګ كانګ لوبډلې لوبېږي.

افغانستان به سبا له سريلانکا او د روانې سپټمبر مياشتې په ۲۰مه نېټه له بنګله دېش سره لوبې ولري.

 

The post د اسيا جام سياليو کې نن پاکستان او هانګ کانګ لوبه کوي appeared first on pashto.

اصلي اړیکې: http://tkg.af/pashto/2018/09/16/%D8%AF-%D8%A7%D8%B3%D9%8A%D8%A7-%D8%AC%D8%A7%D9%85-%D8%B3%D9%8A%D8%A7%D9%84%D9%8A%D9%88-%DA%A9%DB%90-%D9%86%D9%86-%D9%BE%D8%A7%DA%A9%D8%B3%D8%AA%D8%A7%D9%86-%D8%A7%D9%88-%D9%87%D8%A7%D9%86%DA%AB/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading