بازتاب نیوز

قریشي په پاکستان کې د افغان عسکرو د روزنې وړاندیز کړی

٢٥ وږی ١٣٩٧ نن ټکی اسیا

نن ټکی اسیا (یکشنبه، ۲۵وږي، ۱۳۹۷ل): د پاکستان د بهرنیو چارو وزیر شامحمود قریشي پرون کابل ته راورسید، چې د حکومت له دواړو مشرانو او د بهرنیو چارو له وزیر سره يې وکتل.

قریشي له افغان مشرانو سره د مرستې لپاره ژمنې وکړې او هغوی ته يې د افغان عسکرو د روزنې وړاندیز هم وکړ.

له ارګ او اجراییه ریاست نه په جلا جلا خبرپاڼو کې له شامحمود قریشي سره د لېدنو په تړاو خبرپاڼې خپرې شوې او دواړو مشرانو ورته د مبارکۍ تر څنګ د ښو اړیکو هیله کړې.

په اسلام اباد کې افغان سفیر حضرت عمر زاخېلوال هم دې سفر ته په ارزښتناکه سترګه کتلي او ويلي يې دي، هیله لري چې د سولې او ثبات لامل شي.

د افغان عسکرو د روزنې په تړاو د افغان مشرانو دریځ نه دی په ډاګه شوی، خو تر دې وړاندې په ۲۰۱۵م کال کې هم شپږ تنه د ملي اردو عسکر اسلام اباد ته د روزنې لپاره ولېږل شول، چې د ایبټ اباد کاکول پوځي اکاډیمۍ کې له یو نیم کال روزنې وروسته فارغ شول.

پاکستاني چارواکو له افغان مشرانو سره په ننګرهار کې د تړلې قونسلګرۍ په تړاو هم خبرې کړې، چې ژر به پرانیستل شي.

له شاه محمود قريشي سره په دغه سفر کې د بهرنيوچارو وزارت مرستياله تهمينه جنجوعه او نور لوړ پوړي پاکستاني چارواکي شامل و.

اصلي اړیکې: https://www.nunn.asia/128844/%d9%82%d8%b1%db%8c%d8%b4%d9%8a-%d9%be%d9%87-%d9%be%d8%a7%da%a9%d8%b3%d8%aa%d8%a7%d9%86-%da%a9%db%90-%d8%af-%d8%a7%d9%81%d8%ba%d8%a7%d9%86-%d8%b9%d8%b3%da%a9%d8%b1%d9%88-%d8%af-%d8%b1%d9%88%d8%b2%d9%86/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading