بازتاب نیوز

ضمير کابلوف: امریکا په افغانستان او سيمه کې له امنیت سره دلچسپي نلري

٢٥ وږی ١٣٩٧ نن ټکی اسیا

نن ټکی اسیا (یکشنبه،۲۵وږی ۱۳۹۷ل): د افغانستان لپاره د روسیې ځانګړي استاځي پخپلو وروستیو څرګندونو کې ویلي چې امريکا له دې سره دلچسپې نلري چې د افغانستان په ګډون دې په سيمه کې امن او ثبات خوندي وي، د نوموړي په وینا، ځکه چې په جګړو کې امریکا خپلې ګټې لټوي.

کابلوف زیاتوي چې، امريکا د سولې پروسه انحصار کړی، د سيمې هېوادونو ته په افغانستان کې د سولې لپاره د هلو ځلو مخه نه ورکوي، او په خبره یې څومره کار چې د امریکا متحده ايالات په افغانستان کې د جګړې لپاره کوي دومره هڅې يې د سولې لپاره نه دي کړي.

د روسيې دغه استاځی وايي، دا چې طالبانو د بهرنيو ځواکونو د وتلو پر لارو چارو له امريکا سره د خبرو لپاره تياری ښودلی، دا کومه تصادفي خبره نه ده او امريکا باید د طالبانو پر دغه وړانديز غور وکړي، ځکه په دې سره په افغانستان کې روانه جګړه پای موندلای شي.

باید وویل شي چې د رواني میلادي میاشتې پر شپږمه نیټه، روسیې د افغانستان د سولي په اړه په مسکو کې د یوې غونډې تابیا نیولي وه چې د طالبانو، امریکا او افغان حکومت استاځو ته پر بلنه برسیره یې د سیمې یو شمېر هیوادونه هم وربللي وو، خو امریکا یې بلنه رد کړه او ورپسي د کابل حکومت هم د واشنګټن په تعقیب له ګډونه انکار وکړ.

شنونکي فکر کوي چې د ضمیر کابلوف وروستۍ څرګندوني هم ښایی همغه جریان ته اشاره وي.

اصلي اړیکې: https://www.nunn.asia/128828/%d8%b6%d9%85%d9%8a%d8%b1-%da%a9%d8%a7%d8%a8%d9%84%d9%88%d9%81-%d8%a7%d9%85%d8%b1%db%8c%da%a9%d8%a7-%d9%be%d9%87-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%d8%a7%d9%88-%d8%b3%d9%8a%d9%85/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading