بازتاب نیوز

رولاغني د سیګار راپور ته غبرګون وښود

٢٥ وږی ١٣٩٧ نن ټکی اسیا

نن ټکی اسیا (یکشنبه،۲۵وږی ۱۳۹۷ل): امریکایی الاصله افغانۍ رولا غني چې د ګډ حکومت د مشر، محمداشرف غني میرمن ده؛ د سیګار د راپور له مخي د پروموټ په نوم پروژه کې په پراخ مالي اختلاس او درغلۍ تورنه شوي.

خو نوموړې که څه هم د سیګار د راپور جزیات مني، ولي پر دې د اختلاس لګیدلي تورونه یې ناسم ګڼلي. او ویلي یې دي چې دې ته د پروموټ پروژې په خاطر ورکول شوي پیسې بیرته بسپنه ورکوونکو هیوادونو پرخپلو مامورینو لګولي.

د امریکایی مرستو د څار ادارې (سیګار) په راپور کې راغلي چې نوموړې 280 ملیون ډالره ضایع کړي دي.

د یاد راپور له مخې، له 2014م کال نه تراوسه پورې د 57 زره ښځو د روزلو هوکړه شوې وه، خو په تېرو څلورو کلونو کې یوازې 55 ښځې روزل شوي او 280 میلیون ډالره لګښت ورباندي شوی.

که څه هم د دغې روزنې په اړه تراوسه کره معلومات نشته، چې رولا غني ښځې څنګه او د څه لپاره روزي او په راتلونکې کې به له دغو روزل شویو ښځو نه په کوم ځای کې کار اخیستلي کیږي، خو په دغه چاره کې د پراخ اداري فساد څخه پرده پورته شوې ده.

د ارګ دغي لومړۍ میرمني پرون ناوخته پخپله یوه خبرپاڼه کې د سیګار دغه راپور که څه هم تأیید کړ خو د درغلیو تور یې بیرته پر خپلو بهرنیو مرستندویانو ور واچاوه.

رولا غني وویل چې: د سیګار چارواکو ته یې له وړاندي نه دا څرګنده کړي وه چې مرسته کوونکي هیوادونه د بسپنو ٪70 سلنه پیسې بیرته پر خپلو مامورینو د معاش ورکولو په نامه مصرفوي.

اصلي اړیکې: https://www.nunn.asia/128823/%d8%b1%d9%88%d9%84%d8%a7%d8%ba%d9%86%d9%8a-%d8%af-%d8%b3%db%8c%da%ab%d8%a7%d8%b1-%d8%b1%d8%a7%d9%be%d9%88%d8%b1-%d8%aa%d9%87-%d8%ba%d8%a8%d8%b1%da%ab%d9%88%d9%86-%d9%88%da%9a%d9%88%d8%af/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading