بازتاب نیوز

د ننګرهار پوهنتون ۴۸ استادانو ماستري او دوکتورا ترلاسه کړې

٢٥ وږی ١٣٩٧ نن ټکی اسیا

نن ټکی اسیا (شنبه، ۲۴وږي، ۱۳۹۷ل): د ننګرهار پوهنتون ۴۸ تنه استادانو د نړۍ په بيلابيلو هيوادونو کې په بيلابيلو برخو کې زده کړې ترلاسه او بيرته خپل هيواد ته راستانه شول.

ددغو استادانو د هرکلي او قدردانۍ په موخه جوړه شوې غونډې ته د ننګرهار پوهنتون رئيس ببرک مياخېل وويل چې د یو شمير سيمه ييزو او بهرنيو هيوادونو سره د تړونونو په ترڅ کې د ننګرهار پوهنتون استادان د دوکتورا او ماسټرۍ د زده کړو له پاره استادان لېږل شوي وو.

هغه د جاپان، امريکا، هند، چين، ترکيه، پاکستان او يو شمير نورو هیوادونو ياد کړل او زياته يې کړه چې دغو استادانو د انجينرۍ، زراعت، حقوق، اقتصاد او ادبياتو په برخه کې زده کړې بشپړې کړې.

مياخېل وويل چې ټولنه علمي کدرونو ته اړتيا لري او دوی ددې اړتيا د پوره کولو په هڅه کې دي ترڅو په راتلونکې کې هم دې لړۍ ته دوام ورکړو او ټولنې ته د علمي کدر شخصيتونه وړاندې کړو.

د يادونې وړ ده چې ننګرهار پوهنتون د هیواد په لومړنيو او لويو پوهنتونو کې دی او اوسمهال په بيلابيلو پوهنځيو کې شاوخوا ۱۵ زره محصلين د لوړو زده کړو په ترلاسه کولو بوخت دي چې د ۵۰۰ تنه استادانو له خوا زده کړې ورکول کيږي.

اصلي اړیکې: https://www.nunn.asia/128816/%d8%af-%d9%86%d9%86%da%ab%d8%b1%d9%87%d8%a7%d8%b1-%d9%be%d9%88%d9%87%d9%86%d8%aa%d9%88%d9%86-%db%b4%db%b8-%d8%a7%d8%b3%d8%aa%d8%a7%d8%af%d8%a7%d9%86%d9%88-%d9%85%d8%a7%d8%b3%d8%aa%d8%b1%d9%8a-%d8%a7/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading