بازتاب نیوز

د زابل د شملزو ولسوال په کندهار کې ووژل شو

٢٥ وږی ١٣٩٧ نن ټکی اسیا

نن ټکی اسیا (شنبه، ۲۴وږي، ۱۳۹۷ل): د زابل ولايت د شملزو ولسوالۍ ولسوال د کندهار ښار په عينو مېنه ښارګوټي کې ووژل شو.

د کندهار ولايت د رسنيو سرپرست مسؤول عزيز احمد عزيزي رسنيو په لېږل شوې خبرپاڼه کې د شملزو پر ولسوال بريد تاييد کړی دی.

د عزيزي په وينا عينو مېنه کې نامعلومو وسله والو بريدګرو د شملزو ولسوال مهمند نصرتيار وژلی او د هغه زوی يې ټپي کړی او بريد کوونکي په تېښته بريالي شوي دي.

د وژل شوي نصرتيار ورور او د زابل ولايت د شاه جوی ولسوال محمد وزير جوادي رسنيو سره په خبرو د خپل ورور وژنه تاييد کړې ده.

تر اوسه د دغې پېښې پړه چا نه ده منلې.

په کندهار کې د ناڅرګندو بريدګرو بريدونه زيات شوي، د ډېرو بريدونو پړه څوک پر غاړه نه اخلي او ويل کيږي، چې د دغو مبهمو بريدونو تر شا د خپلمنځي شخصي شخړو او سياسي بې بارويو لاس دی.

اصلي اړیکې: https://www.nunn.asia/128806/%d8%af-%d8%b2%d8%a7%d8%a8%d9%84-%d8%af-%d8%b4%d9%85%d9%84%d8%b2%d9%88-%d9%88%d9%84%d8%b3%d9%88%d8%a7%d9%84-%d9%be%d9%87-%da%a9%d9%86%d8%af%d9%87%d8%a7%d8%b1-%da%a9%db%90-%d9%88%d9%88%da%98%d9%84/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading