بازتاب نیوز

افغانستان خپله لومړنۍ لوبه د دوشنبې پر ورځ له سریلانکا سره کوي

٢٥ وږی ١٣٩٧ آریانا نیوز

د اسیا جام د کرکت سیالۍ تېره ورځ په متحده عربي اماراتو کې پیل شوې؛ د لومړي پړاو شپږ لوبډلې پر دوه ډلو ووېشل شوې؛ الف او ب ډله، چې له هرې ډلې به درې لوبډلې د مقابل لوري له درې لوبډلو سره سیالي کوي.

د افغانستان دوه یمه لوبه د پنجشنبې پر ورځ د سپتمبر پر شلمه / د وږي ۲۹ له بنګله دیش سره ده.

دا به دوه یم ځل وي، چې افغانستان د آسیا جام په سیالیو کې له بنګله دیش سره لوبه کوي.

افغانستان پر لومړي ځل په ۲۰۱۴ کال کې بنګله دیش ته د آسیا جام په سیالیو کې ماته ورکړه، چې لوبې هم په بنګله دیش کې کیدلې.

د افغانستان لوبډله تقریباً دوه اوونۍ کیږي، چې په عربي متحده اماراتو کې ده او د لوبو لپاره چمتوالی نیسي.

د افغان لوبډلې لوبډلمشر اصغر افغان رسنیو ته ویلي، چې افغانستان ” دا ځل د آسیا جام سیالیو ته یوازې د لوبو لپاره ندی تللی، بلکې هڅه به یې دا وي، چې ښه کرکت وکړي.

دا دوه یم ځل دی، چې افغانستان د آسیا جام د کرکت په نړیوالو سیالیو کې ګډون کوي.

افغانستان د لومړي ځل لپاره په ۲۰۱۴ کال کې د آسیا جام په سالیو کې برخه واخیسته، چې په بنګله دیش کې تر سره شوې وې.

د آسیا جام سیالۍ د لومړۍ ځل لپاره په۱۹۸۴ میلادي کال کې تر سره شوي؛ هند شپږ، سریلانکا پېنځه او پاکستان دوه ځلې د دې سیالیو اتلولي ګټلې ده.

اصلي اړیکې: https://ariananews.af/%D8%A7%D9%81%D8%BA%D8%A7%D9%86-99/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading