بازتاب نیوز

د شل کلنو فټسال ملي لوبډلې غوراوي لوبې پیل شوې

٢٨ وږی ١٣٩٧ طلوع نیوز

د فوټسال د شل کلنو ملي لوبډلې څلور اړخیزې سیالۍ نن سهار(یک‎شنبې د وږي۲۵مه) د فوټسال په جمنازیوم کې پیل شوې.

په دې سیالیو کې د کابل له څلورو زونونو څلورو لوبډلو ګډون کړی او په خپلو کې به د دریو ورځو لپاره سیالي وکړي.

مسئولین د دې سیالیو موخه د فوټسال د شل کلنو ملي لوبډلې لپاره د غوره څېرو ټاکل بولي.

په دې لوبو کې د څلورو زونونو لوبغاړي کابل کې د درېیو ورځو لپاره لوبې کوي.

د لوبو په دوام به سبا د شمال زون لوبډله د شمال لویدیځ پر وړاندې لوبه کوي او ختیځ به له لویدیځ سره لوبه وکړي.

د دې لوبو مسؤولان وايي چې دا لوبې د شل کلنو ملي لوبډلې ته د لوبغاړو غوراوي په موخه کیږي.

ټاکل شوې د هېواد د شل کلنو د فوټسال ملي لوبډله د روان میلادي کال په اکټوبر میاشت کې له خپلې سیالې ازبیکستانۍ لوبډلې سره دوستانه لوبه وکړي او له هغې وروسته به د ډسمبر په میاشت کې د اسیايي جام سیالیو کې د ګډون په موخه ایران ته سفر وکړي.

اصلي اړیکې: https://www.tolonews.com/pa/sport/%D8%AF-%D8%B4%D9%84-%DA%A9%D9%84%D9%86%D9%88-%D9%81%D9%BC%D8%B3%D8%A7%D9%84-%D9%85%D9%84%D9%8A-%D9%84%D9%88%D8%A8%DA%89%D9%84%DB%90-%D8%BA%D9%88%D8%B1%D8%A7%D9%88%D9%8A-%D9%84%D9%88%D8%A8%DB%90-%D9%BE%DB%8C%D9%84-%D8%B4%D9%88%DB%90

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading