بازتاب نیوز

د فلورانس توفان د وژل شویو شمېر اوو تنو ته ورسید

٢٥ وږی ١٣٩٧ آریانا نیوز

امریکايي چارواکي خبرداری ورکوي، چې د توپان له کمزوري کیدو سره سره بیا هم تر راتلونکیو ۲۴ تر ۳۶ ساعتونو پورې به د امریکا ختیځو ایالاتونو اوسیدونکیو ته یو ګواښ وي.

د امریکا متحده ایالاتونو په ختیځو برخو کې د فلورانس مرګونی توپان اوس هم دوام لري او تر اوسه یې په دې برخو کې د اته کسانو ژوند اخیستی.

چارواکي په وژل شویو کې د یوه ماشوم وژنه هم تائيد کړې ده.

په دې توپان کې کابو څلور زره کورونه وران شوي دي.

امریکايي چارواکي وايي، چې د شمالي کارولینا په یو شمېر برخو کې به کابو یو متر باران ووریږي.

اوسمهال د ښار ډېر شمېر سرکونه بند دي او خلک له ستونزو سره مخ شوي دي.

د وړاندوینې ادارې د څرګندونو له مخې؛ ښایي بارانونه تر څو راتلونکیو ورځو پورې دوام ولري.

د فلورانس توپان، چې له باد سره په ساعت کې ۱۵۰ کیلومتره چټکتیا لري؛ د جمعې پر ورځ د امریکا ختیځو سیمو ته رسیدلی.

دا په داسې حال کې ده، چې په شمالي او سویلي کارولینا ایالتونو کې بنسټيزې آسانتیاوې له ستونزو سره مخ شوي او زیان یې لیدلی.

که څه هم اوسمهال د توپان چټکتیا د سیندونو توپان په پرتله کمه شوې؛ خو اوس هم دروند توپان بلل کېږي.

فلورانس توپان تر دې دمه د کابو لس میلیون کسانو ژوند اغېزمن کړی دی.

امریکا د ساحلي سیمو له یو میلیون اوسيدونکیو غوښتې، چې خپل کورونه پرېږدي.

دغه راز د فلیپین په شمال کې وېروونکي توپان زرګونه کسان هم بې کوره کړي دي.

اصلي اړیکې: https://ariananews.af/o-uuuo-64/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading