بازتاب نیوز

د هلمند والي وايي د هدفي وژنو مخه نيسي

٢٥ وږی ١٣٩٧ دازادې اروپا راډیو

د هلمند والي وايي د هغو کسانو په وړاندې جدي اقدام کوي، چې په هدفي وژنو کې لاس لري.

تورن جنرال محمد ياسين نن ازادۍ راډيو ته وويل د دغو کسانو له ډلې دوه تنه نيول شوي دي:

”دوى په تروريستي اعمالو لاس پورې کړى، چې هرڅوک په مخه ورځي په نښه کوي يې. د دوى دوه کسان نيول شوي او ان شا اله په لنډو ورځو کې به نور تروريستان هم ونيول شي او د قانون منګولو ته به وسپارل شي.“

د شنبې په ماښام په لښکرګاه کې بست روغتون ته نږدې په يوه حمله کې د پوليسو يو افسر ووژل شو او درې نور ټپيان شول.

د ازادۍ راډيو د خبريال په حواله، د تېرو دوو مياشتو پر مهال په لښکرګاه کې تر ١٥ زيات کسان په هدفي بريدونو کې وژل شوي دي.

د ځينو حملو مسووليت وسلوالو طالبانو منلى دى.

په زړه پورې منځ‌پانګه

اصلي اړیکې: https://pa.azadiradio.com/a/29492651.html

د اصلي پاڼې خلاصول

دازادې اروپا راډیو په اړه نور ولولئ

وروستي خبرونه:

Loading