بازتاب نیوز

پکتیکا کې کرنیز فارم جوړېږي

٢٥ وږی ١٣٩٧ ټاټوبی نيوز

د پکتيکا په مرکز ښرنه کې د ١١ ميليونه افغانيو په لګښت د يو کرنيز فارم جوړولو چارې پيل شوې.

په دې اړه جوړې شوې غونډې ته د پکتيکا د کرنې او مالدارۍ رييس نورالله سباوون وويل چې دغه فارم د درېيو مياشتو په موده کې پر ٤٠  جريبه ځمکه د ١١ ميليونه افغانيو په لګښت جوړېږي.

ده وويل چې په دغه فارم کې به د کرنې رياست بېلابېلې نمونوي برخې جوړې شي او تر څنګ به يې کروندګرو ته د کرنې په برخه کې بېلابېل مېتودونه او طريقې هم تدريس شي.

دغه راز په دې غونډه کې د پکتيکا والي الياس وحدت وويل چې د دغه فارم جوړېدل د کروندګرو لپاره يو ښه زيرى دى او بايد هغوی مسلکي تجربې په کې ترلاسه کړي.

ده زياته کړه: ((په دغه ولايت کې د رغونې برخه ښه روانه ده او خلک هم ترې راضي دي.))

همدرانګه يوه کروندګر اسلام شاه پژواک ته وويل چې د دغه شان فارمونو جوړېدل ډېر مهم دي؛ ځکه چې له کروندګرو سره د مسلکيتوب په برخه کې ډېره مرسته کوي.

دغه راز د دغه ولايت کې يو شمېر نورو کروندګرو بيا شکايت وکړ چې د اوبو نه ذخيره کيدو له امله له ستونزو سره مخ دي.

(0)The post پکتیکا کې کرنیز فارم جوړېږي appeared first on Tatobay News, Breaking News Resource. - ټاټوبی نيوز، پرليکه خبري نړۍ.

اصلي اړیکې: http://tatobaynews.com/پکتیکا-کې-کرنیز-فارم-جوړېږي/

د اصلي پاڼې خلاصول

ټاټوبی نيوز په اړه نور ولولئ

وروستي خبرونه:

Loading