بازتاب نیوز

پکتیکا؛ طالبانو خوشامند ولسوالي ونیوله

٢١ تله ١٣٩٧ نن ټکی اسیا

نن ټکی اسیا (شنبه، ۲۱تلې، ۱۳۹۷ل): طالبان وايي سرتېرو يې تېره شپه د پکتیکا ولایت خوشامند ولسوالۍ بشپړه نیولې ده.

د طالبانو د خبرپاڼې له مخې په جګړه کې يې دولتي ځواکونو ته درنه مرګ‌ژوبله اړولې او ډېر مهمات يې ګوتو ته ورغلي دي.

دوی پخپله رسمي خبرپاڼه د ولسوالۍ د نیولو لنډ خبر خپور کړی او د پوره جزئیاتو ژمنه يې کړې ده.

«تېـره شپه د پکتیکا ولایت د خوشامند ولسوالي په ټولیزه توګه فتحه شوه. د فتحې پر مهال دښمن ته زیان اوښتی او ګڼ شمېر وسلې او مهمات د مجاهدینو لاسته ورغلي دي.»

د پکتیکا ځايي چارواکو د خوشامند ولسوالۍ د سقوط په اړه څه نه دي ویلي.

پکتیکا کې نکه، زېړوک، ګیان، وړممۍ، وازیخوا، برمل، ګومل او اومنه هغه ولسوالۍ دي چې د ځینو یوازې مرکزونه د حکومت لاس کې دي او د ځینو نورو مرکزونه هم انتقال شوي دي.

اصلي اړیکې: https://www.nunn.asia/130584/%D9%BE%DA%A9%D8%AA%DB%8C%DA%A9%D8%A7%D8%9B-%D8%B7%D8%A7%D9%84%D8%A8%D8%A7%D9%86%D9%88-%D8%AE%D9%88%D8%B4%D8%A7%D9%85%D9%86%D8%AF-%D9%88%D9%84%D8%B3%D9%88%D8%A7%D9%84%D9%8A-%D9%88%D9%86%DB%8C%D9%88/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading