بازتاب نیوز

لوګر: د شخصي دښمنۍ له امله واده کې شپږ تنه وژل شوي

٢١ تله ١٣٩٧ نن ټکی اسیا

نن ټکی اسیا (شنبه، ۲۱تلې، ۱۳۹۷ل): د لوګر محمد اغه کې چارواکي وايي د شخصي دښمنۍ له امله واده کې شپږ تنه وژل شوي او ۲۰ نور ټپیان دي.

د دې ولسوالۍ ولسوال نور محمد عبیدي وايي تېره شپه د سفید سنګ سیمه کې په یوه کور کې د چاودنې له امله د واده ګډونوالو ته مرګ‌ژوبله واوښته.

هغه پژواک ته ویلي، چې چاودنه د شخصي دښمنۍ له امله شوې ده او د دوو سندرغاړو په ګډون د واده د کورنۍ خپلوان او نورو کلیوالو ته مرګ‌‌ژوبله اوښتې ده.

سرچینه د یو عيني شاهد له خولې لیکي چې چاودېدونکي توکي په سټیج کې ځای پر ځای شوي و.

د لوګر د امنیې قومندانۍ ویاند شاپور احمدزی هم تاييدوي چې چاودنه د شخصي دښمنۍ له امله شوې ده او په وینا يې پلټنې يې پیل کړې دي.

اصلي اړیکې: https://www.nunn.asia/130600/%D9%84%D9%88%DA%AB%D8%B1-%D8%AF-%D8%B4%D8%AE%D8%B5%D9%8A-%D8%AF%DA%9A%D9%85%D9%86%DB%8D-%D9%84%D9%87-%D8%A7%D9%85%D9%84%D9%87-%D9%88%D8%A7%D8%AF%D9%87-%DA%A9%DB%90-%D8%B4%D9%BE%DA%96-%D8%AA%D9%86/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading