بازتاب نیوز

د کرېکټ غوره لیګ؛ پکتیا لوبډلې، کندهار لوبډلې ته ماتې ورکړه

٢١ تله ١٣٩٧ طلوع نیوز

د هېواد د کرېکټ غوره لیګ سیالیو په لړ کې، چې عربي متحده اماراتو کې ترسره کېږي، د پکتیا لوبډله وتوانېده چې د ۹ منډو په توپیر سره کندهار لوبډلې ته ماتې ورکړي.

پکتیا لوبډلې په ۲۰ اورونو کې ۱۲۷ منډې جوړې کړې خو د کندهار لوبډله ونه توانېده چې دغه هدف پوره کړي.

د کندهار لوبډله وتوانېده چې د ۹ لوبغاړو له سوځېدو سره یوازې ۱۱۸ منډې جوړې او لوبه وبایلي.

د دغې لوبې په پای کې، اندانا د ښې توپوهنې له امله د غوره لوبغاړي لقب خپل کړ.

د دغو سیالیو په بله لوبه کې، د ننګرهار لوبډله وتوانېده چې د ۱۵ منډو په توپیر د کابل ځوانانو لوبډلې ته ماتې ورکړي.

په دغې سیالۍ کې د ننګرهار لوبډلې، لوبغاړی رحمت شاه زرمتی د لوبې غوره لوبغاړی وپېژندل شو.

ټاکل شوې ده چې د دغو سیالیو په لړ کې، نن شنبې (د تلې په ۲۱مه) هم دوه لوبې ترسره شي. چې په لومړۍ لوبه کې به د بلخ لوبډله د پکتیا په وړاندې بخت وازمايي او په دویمه لوبه کې به د کندهار لوبډله د ننګرهار په وړاندې ډګر ته ورودانګي.

اصلي اړیکې: https://www.tolonews.com/index.php/pa/sport/%D8%AF-%DA%A9%D8%B1%DB%90%DA%A9%D9%BC-%D8%BA%D9%88%D8%B1%D9%87-%D9%84%DB%8C%DA%AB%D8%9B-%D9%BE%DA%A9%D8%AA%DB%8C%D8%A7-%D9%84%D9%88%D8%A8%DA%89%D9%84%DB%90%D8%8C-%DA%A9%D9%86%D8%AF%D9%87%D8%A7%D8%B1-%D9%84%D9%88%D8%A8%DA%89%D9%84%DB%90-%D8%AA%D9%87-%D9%85%D8%A7%D8%AA%DB%90-%D9%88%D8%B1%DA%A9%DA%93%D9%87

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading