بازتاب نیوز

د کندوز ولايت د پراختيايي پروژو د تطبيق څرنګوالی وارزول شو

٢٢ تله ١٣٩٧ د كليد ګروپ

د جمهور رئيس محمد اشرف غني په مشرۍ جوړه شوې غونډه كې د کندوز ولايت د پراختيايي پروژو د تطبيق څرنګوالى وارزول شو.

د جمهوري رياست مطبوعاتي دفتر وايي، په دې غونډه كې، چې په ارګ كې جوړه شوې وه، د هېواد جمهور رئيس وويل، کندوز د ظرفيت له پلوه د هېواد تر ټولو بډاى او متحرک ولايت دى، چې لږه پاملرنه ورته شوې ده.

ده زياته كړه، په ولايتونو کې تشکيلات بسنه نه کوي، ډېر ژر به د کندوز په ګډون د هېواد په ولايتونو کې مثبت بدلونونه راشي او همدارنګه به له مرکزه ولايتونو ته د راتلونکي کال بوديجه ولېږدول شي.

جمهور رئيس غني د صنعت او سوداګرۍ وزارت او په مالي او بانکدارۍ چارو کې د جمهوري رياست ستر سلاکار اجمل احمدي ته لارښوونه وکړه، چې د کندوز د سپين زر تصدۍ د بېرته فعالولو په اړه خپله طرحه وړاندې کړي.

بلخوا د کندوز والي عبدالجبار نعيمي د کندوز ښار د ماسټر پلان په تړاو خپل راپور وړاندې کړ او په وينا يې، له مرکزه استول شوي پلاوي د دغه ښار ماسټر پلان ارزولى، چې له بشپړولو وروسته به يې عملي كار پيل شي.

 

The post د کندوز ولايت د پراختيايي پروژو د تطبيق څرنګوالی وارزول شو appeared first on pashto.

اصلي اړیکې: http://tkg.af/pashto/2018/10/14/%D8%AF-%DA%A9%D9%86%D8%AF%D9%88%D8%B2-%D9%88%D9%84%D8%A7%D9%8A%D8%AA-%D8%AF-%D9%BE%D8%B1%D8%A7%D8%AE%D8%AA%D9%8A%D8%A7%D9%8A%D9%8A-%D9%BE%D8%B1%D9%88%DA%98%D9%88-%D8%AF-%D8%AA%D8%B7%D8%A8%D9%8A%D9%82/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading