بازتاب نیوز

د تخار د ځان وژونکي برید د تلفاتو شمېر تر ۲۳ تنو پورې ورسید

٢٢ تله ١٣٩٧ خبرگزاری خاورمیانه

د تخار ولایت په رستاق ولسوالۍ کې  ولسي جرګې ته د یوې نوماندې په ټاکنیز کمپاین د ترسره شوي ځان وژونکي برید تلفات ۲۳ تنو ته ورسیدل.

د خاور میانه خبرې اژانس د راپور له مخې پرون له غرمې وروسته ( تله ۲۱) د تخار ولایت په رستاق ولسوالۍ کې ددغه ولایت څخه ولسي جرګې ته د یوې نوماندې په ټاکنیز دفتر باندې ځان وژونکی برید ترسره شو.

د څو ساعتو له تیریدو وروسته د تخار امنیتي چارواکو ویلي وو چې په دې پیښه کې ۱۳ تنو خپل ژوند له لاسه ورکړی او ۳۲ تنه نور ټپیان شوي دي.

دغه چارواکو د تلفاتو د احتمالي زیاتیدو خبر هم ورکړی وو.

نن د (تلې ۲۲ مه) د تخار امنیتي چارواکي وایي د تیرې ورځې په پیښه کې د وژل شویو کسانو شمېر تر ۲۳ او د ټپیانو شمېر ۳۹ تنو ته رسیدلې دی.

سرچینې وایي په وژل شویو کسانو کې د ملې امنیت یو کارکوونکی او د ټپیانو په مینځ کې ۳ تنه پولیس هم شامل دي.

لا تر اوسه کوم یو شخص یا ډلې ددې پیښې پړه پر غاړه اخیستي نه ده.

اصلي اړیکې: https://middleeastpress.com/pashto/1397/07/22/%D8%AF-%D8%AA%D8%AE%D8%A7%D8%B1-%D8%AF-%DA%81%D8%A7%D9%86-%D9%88%DA%98%D9%88%D9%86%DA%A9%D9%8A-%D8%A8%D8%B1%DB%8C%D8%AF-%D8%AF-%D8%AA%D9%84%D9%81%D8%A7%D8%AA%D9%88-%D8%B4%D9%85%DB%90%D8%B1-%D8%AA/

د اصلي پاڼې خلاصول

خبرگزاری خاورمیانه په اړه نور ولولئ

وروستي خبرونه:

Loading