بازتاب نیوز

قطر ته د ملا برادر د تګ اوازه «غلطه» ده

٢٤ مرغومی ١٣٩٧ نن ټکی اسیا

نن ټکی اسیا (دوشنبه، ۲۴ مرغومی، ۱۳۹۷ل): د نن ټکی اسیا سرچینو د رسنيو هغه خبرونه رد کړل چې ګواکې د طالبانو يو تن جګپوړی چارواکی ملا عبدالغني برادر قطر ته رسېدلی او د طالبانو په مذاکراتي پلاوي کې يې د غړيتوب په سر جنجال رامنځته شوی.

د نن ټکی اسیا د سرچینو د معلوماتو سره سم تر اوسه نه هم ملا برادر اخوند قطر ته تللی او نه هم تر اوسه د طالبانو په مرکچي پلاوي کې کوم تغییر راغلی دی.

سرچينه وايي چې طالبان له امريکا سره د مذاکراتو بهير د مشرتابه له امر او پلان سره سم پرمخ بيايي او د اړتيا په وخت کې به په دې بهير کې نور طالب چارواکي هم ګډون وکړي.

ملا عبدالغني برادر چې له تيرو نهو کالونو راهيسې د پاکستان په زندان کې بندي و نږدې درې مياشتې وړاندې له زندان څخه خوشې شو او هغه مهال يې هم له طالبانو څخه خپل ملاتړ يو ځل بیا تازه کړ.

اصلي اړیکې: https://www.nunn.asia/136843/%D9%82%D8%B7%D8%B1-%D8%AA%D9%87-%D8%AF-%D9%85%D9%84%D8%A7-%D8%A8%D8%B1%D8%A7%D8%AF%D8%B1-%D8%AF-%D8%AA%DA%AB-%D8%A7%D9%88%D8%A7%D8%B2%D9%87-%D8%BA%D9%84%D8%B7%D9%87-%D8%AF%D9%87/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading