بازتاب نیوز

ترکیې ته د کردان پر سر د ټرمپ ګواښ

٢٤ مرغومی ١٣٩٧ طلوع نیوز

د امریکا متحده ایالاتو ولسمشر، ډونالډ ټرمپ ګواښ کوي چې که ترکیه پر کردي جنګیالیو برید وکړي، نو امریکا به د ترکیې او هم د ایران اقتصاد وراند کړي.

ټرمپ وروسته له هغې دا خبره کوي چې ترکیې د سوریې پولې ته نیږدې خپل تازه دمي سرتېري استولي دي.

امریکا متحده ایالاتو او کردانو په ګډه په سوره کې د داعش ډلې پر وړاندې جګړه کړې ده، اوس چې امریکا له سوریې د وتو هوډ کړی، کردان د ترکیې له بریدونو په وېره کې دي.

دا په داسې حال کې ده چې تېره ورځ امریکا متحده ایالات په سوریه کې د کردانو د برخلیک په تړاو له ترکیې حکومت سره سلا ته هیله څرګنده کړې وه.

د امریکا د بهرنیو چارو وزیر، مایک پومپیو د خپل ترکي سیال، مولود چاووش اوغلو سره له ټلفوني اړیکې وروسته هیله څرګنده کړې وه چې په سوریه کې په د کردانو د برخلیک په تړاو له ترکیې سره هوکړې ته ورسیږي.

دا په داسې حال کې ده چې ترکیه  کردي جنګیالي ترهګر بولي او پر وړاندې یې د پوځي عملیاتو له پیله خبر ورکړی دی.

امریکا متحده ایالات اوس مهال سوریه کې کابو دوه زره سرتېري لري چې له کردي جنګیالیو سره یوځای د داعش پر وړاندې جګړه کوي. خو کردي جنګیالي د امریکايي ځواکونو وتل له داعش سره د مبارزې په زیان بولي.

اصلي اړیکې: https://www.tolonews.com/index.php/pa/world/%D8%AA%D8%B1%DA%A9%DB%8C%DB%90-%D8%AA%D9%87-%D8%AF-%DA%A9%D8%B1%D8%AF%D8%A7%D9%86-%D9%BE%D8%B1-%D8%B3%D8%B1-%D8%AF-%D9%BC%D8%B1%D9%85%D9%BE-%DA%AB%D9%88%D8%A7%DA%9A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading