بازتاب نیوز

خلک: غزني ته غځېدلې برېښنا پرېکولو کې ملي اردو هم لاس لري

٢٤ مرغومی ١٣٩٧ نن ټکی اسیا

نن ټکی اسیا (دوشنبه، ۲۴مرغومي، ۱۳۹۷ل): د غزني ځايي اوسېدونکي وايي، دې ولایت ته غځېدلې برېښنا کې د ملي اردو عسکر هم لاس لري او هم ځايي د برېښنا شرکتونه پکې بې برخې نه دي.

ازادي راډيو د غزني د اوسېدونکو په حواله وايي، چې د ملي اردو عسکر، ځايي د برېښنا خصوصي شرکتونه او طالبان هم د غځېدلو تارونو په پرېکولو کې لاس لري.

د غزني د والي ویاند عارف نوري سرچینې ته ويلي، چې په یو کال کې شاوخوا ۳۱۸ ځله برېښنا پرې شوې، چې هغه يې یوازې د طالبانو کار بولي.

که څه هم د دې برېښنايي تارونو چې له کابل نه غزني ته ځېدلي تر مطلق اکثریت برخه د طالبانو تر واکمنۍ لاندې تېرېږي، خو تر اوسه پورې د هغوی تر لاس لاندې سیمو کې د برېښنايي تارونو د پرېکېدو کمې پېښې شوې دي، چې علت يې هم جګړه یاده شوې ده.

په غزني کې د عمري په نوم د خصوصي برېښنايي شرکت نه مني، چې ګواکې د شخصي ګټو لپاره دې يې تارونه پرې کړي وي.

څه موده وړاندې د برېښنا شرکت هم ورته څرګندونې درلودې، چې ځینې زور واکي او ان د ځمکو خاوندان د خپلو ګټو لپاره برېښنايي ستنې نړوي.

د برېښنا شرکت چارواکو ویلي و، چې پر هر ځل بیا جوړېدو دوی د نږدې سیمو خلکو، ځايي زورواکو او هغوی ته چې په بیا جوړېدو کې یې کروندې زیانمنېږي پیسې ورکوي.

اصلي اړیکې: https://www.nunn.asia/136853/%D8%AE%D9%84%DA%A9-%D8%BA%D8%B2%D9%86%D9%8A-%D8%AA%D9%87-%D8%BA%DA%81%DB%90%D8%AF%D9%84%DB%90-%D8%A8%D8%B1%DB%90%DA%9A%D9%86%D8%A7-%D9%BE%D8%B1%DB%90%DA%A9%D9%88%D9%84%D9%88-%DA%A9%DB%90-%D9%85%D9%84/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading