بازتاب نیوز

ولسي جرګې پر اسدالله خالد د تورونو په اړه غبرګون وښود

٢٤ مرغومی ١٣٩٧ د كليد ګروپ

ولسي جرګه د ملي دفاع وزارت د سرپرست اسدالله خالد په تړاو د بشري حقونو د څار د نړيوال سازمان د څرګندونو په غبرګون كې وايي، دا كار د افغان غوره شخصيتونو د بدنامولو لپاره د يوه سياسي پروګرام برخه ده.

دغه سازمان خالد د كندهار او غزني د واليتوب په مهال له بشري حقونو په سرغړونو تورن كړى او په دې اړه يې د څېړنو غوښتنه كړې ده.

د ولسي جرګې رئيس عبدالروف ابراهيمي په نننۍ غونډه كې د خالد په تړاو د بشري حقونو د څار د نړيوال سازمان څرګندونې بې بنسټه وبللې.

د هغه په وينا، افغانان وړ او پوه كسان په سمه توګه بېلوي او پېژني يې.

د بشري حقونو د څار د نړيوال سازمان په راپور كې راغلي، اسدالله خالد په کندهار کې د واليتوب په وخت شخصي زندانونه لرل او د ماموريت له پيله يې تراوسه يو شمېر کسان ورک دي.

سرچينې نوموړى له ښځو سره په ناړه چلند او د هغوى په جنسي ځورونې هم تورن كړى دى.

 

The post ولسي جرګې پر اسدالله خالد د تورونو په اړه غبرګون وښود appeared first on pashto.

اصلي اړیکې: http://tkg.af/pashto/2019/01/14/%D9%88%D9%84%D8%B3%D9%8A-%D8%AC%D8%B1%DA%AB%DB%90-%D9%BE%D8%B1-%D8%A7%D8%B3%D8%AF%D8%A7%D9%84%D9%84%D9%87-%D8%AE%D8%A7%D9%84%D8%AF-%D8%AF-%D8%AA%D9%88%D8%B1%D9%88%D9%86%D9%88-%D9%BE%D9%87-%D8%A7%DA%93/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading