بازتاب نیوز

په فارياب كې ۱۱ وسله وال طالبان ووژل شول

٢٤ مرغومی ١٣٩٧ د كليد ګروپ

د فارياب په خواجه سبزپوش ولسوالۍ كې د افغان ځواكونو په هوايي او ځمكنيو عملياتو كې له ۱۰ زيات وسله وال طالبان وژل شوي دي.

د ۲۰۹ شاهين قول اردو وياند محمد حنيف رضايي كليد ته وويل، د يكشنبې په مازديګر امنيتي ځواكونو د هوايي بريد په ترڅ كې د يادې ولسوالۍ په بادغيسي كلي كې د طالبانو يوه غونډه په نښه كړه، چې له كبله يې ۱۱ مخالفين ووژل شول.

د نوموړي په خبره، وروسته افغان ځمكنيو ځواكونو دغه كلى تالاشي او تصفيه كړ.

وسله والو طالبانو تر دا مهاله په دې تړاو رسنيو ته څه نه دي ويلي.

وړمه ورځ هم افغان ځواكونو د غوڅ ملاتړ ماموريت په همكارۍ د فارياب په خواجه سبزپوش ولسوالۍ كې عمليات ترسره كړل، چې په ترڅ كې يې په دغې ولسوالۍ كې د طالبانو د عمومي قوماندان قاري تاج الدين په ګډون ۲۱ وسله وال ووژل شول، ۱۵ تنه نور ټپيان شول او ۱۲ طالبان امنيتي سرتېرو ونيول.

 

The post په فارياب كې ۱۱ وسله وال طالبان ووژل شول appeared first on pashto.

اصلي اړیکې: http://tkg.af/pashto/2019/01/14/%D9%BE%D9%87-%D9%81%D8%A7%D8%B1%D9%8A%D8%A7%D8%A8-%D9%83%DB%90-%DB%B1%DB%B1-%D9%88%D8%B3%D9%84%D9%87-%D9%88%D8%A7%D9%84-%D8%B7%D8%A7%D9%84%D8%A8%D8%A7%D9%86-%D9%88%D9%88%DA%98%D9%84-%D8%B4%D9%88%D9%84/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading