بازتاب نیوز

د پارلماني ټاکنو د پایلو پر ځنډ د عبدالله عبدالله نیوکې

٢٤ مرغومی ١٣٩٧ طلوع نیوز

اجراییه رییس، عبدالله عبدالله پر ټاکنو خپلواک کمېسیون له نیوکې سره وویل چې پارلماني ټاکنې له ستونزو سره مخامخ شوې، خو هیله یې څرګنده کړه چې د تېرو ټاکنو پایلې به ژر اعلان شي.

ښاغلي عبدالله د وزیرانو شورا په ناسته کې وویل:«له بده مرغه چې نن د پارلماني ټاکنو پایلې نلرو، له بده مرغه پارلماني ټاکنې له ستونزو سره مخامخ شوې دي او لامل یې هم څرګند  دی.»

 نوموړي وړاندې وویل:«بیا هم موږ هیله لرو چې انشاالله د افغانستان نوی پارلمان د قانون په حاکمیت او ټینګښت کې او همداراز په سیاسي ټیکاو کې یو ګام مخکې ووسي.»

ښاغلي عبدالله یو ځل بیا د سولې بهیر په تړاو د ولسمشریزو ټاکنو ځنډ په اړه راپورونه رد کړل.

ده وویل:«د هېواد عمومي مسایل کله هم په ټاکنو کې پر ځنډ تړل کېږي، د مسلې واقعیت دا دی چې تخنیکي مسایل د ولسمشریزو ټاکنو د ځنډ رامل ګېږي. »

دا په داسې حال کې ده چې تېره ورځ د ولسمشر دویم مرستیال د ټاکنیزو کمېسیونو پر کړنو نیوکه وکړه او زیاته یې کړه چې دغو کمېسیونونو د هېوادوالو په حق کې جفا کړې ده.

ښاغلي دانش دا څرګندونې په کابل کې یوه ناسته کې د ولسي جرګې ټاکنو په ترسراوي کې د ټاکنیزو کمېسیونونو د کړنو د کمزورتیا ترڅنګ وکړې او په انتخاباتي کمېسیونونو کې د اصلاحاتو پر راوستو یې ټینګار وکړ.

د ولسي جرګې ټاکنو د مهال وېش له مخې د ټاکنو خپلواک کمېسیون باید دوې میاشتې مخکې د انتخاباتو لومړۍ او درې اوونۍ وړاندې هم وروستۍ پایلې اعلان کړې وای، خو تراوسه لومړنۍ پایلې په بشپړه توګه اعلان شوې نه دي.

اصلي اړیکې: https://www.tolonews.com/pa/afghanistan/%D8%AF-%D9%BE%D8%A7%D8%B1%D9%84%D9%85%D8%A7%D9%86%D9%8A-%D9%BC%D8%A7%DA%A9%D9%86%D9%88-%D8%AF-%D9%BE%D8%A7%DB%8C%D9%84%D9%88-%D9%BE%D8%B1-%DA%81%D9%86%DA%89-%D8%AF-%D8%B9%D8%A8%D8%AF%D8%A7%D9%84%D9%84%D9%87-%D8%B9%D8%A8%D8%AF%D8%A7%D9%84%D9%84%D9%87-%D9%86%DB%8C%D9%88%DA%A9%DB%90

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading