بازتاب نیوز

روحاني: د کابل او کوچیانو د حوزې د شکایتونو سل موارد ثبت شوي

٢٥ مرغومی ١٣٩٧ دازادې اروپا راډیو

د افغانستان د انتخاباتي شکایتونو کمېسیون وايي، د کابل ولایت او کوچیانو د حوزې د شکایتونو د ثبت په لومړۍ ورځ یې شاوخوا سل موارد ثبت کړي دي.

د شکایتونو د کمېسیون کمېشنر او ویاند علي رضا روحاني د سې شنبې «۱۳۹۷ کال د مرغومې ۲۵»په ماښام ازادي راډیو ته وویل، د کابل ولایت د انتخاباتي شکایتونو د ثبت بهیر به د نن چهارشنبې د ورځې «۱۳۹۷ کال د مرغومې ۲۶» تر پایه پورې دوام وکړي.

نوموړي زیاته کړه

"زموږ دفتر د شکایتونو فورمې ویشلې دي، هغه کسان چې شکایتونه او اعتراضونه ولري، زموږ دفتر ته یې مراجعه کړې او فورمې یې اخېستې. تر اوسه یې ښايي د سلو په شاوخوا کې د شکایتونو موارد موږ ته سپارلي او په حقیقت کې موږ سره ثبت کړي."

د افغانستان د انتخاباتو خپلواک کمېسیون د دوشنبې په ورځ د کابل ولایت د ولسي جرګې د ۳۳ مخکښو کاندیدانو او همدارنګه د کوچیانو د حوزې د لس کاندیدانو ابتدايي لېستونه اعلان کړل چې په وینا یې له نورو څخه یې ډېرې رأیې تر لاسه کړي دي.

په زړه پورې منځ‌پانګه

اصلي اړیکې: https://pa.azadiradio.com/a/29712548.html

د اصلي پاڼې خلاصول

دازادې اروپا راډیو په اړه نور ولولئ

وروستي خبرونه:

Loading