بازتاب نیوز

نورالحق علومي هم د جمهوري رياست ټاکنو ته ځان کانديد کړ

٢٦ مرغومی ١٣٩٧ د كليد ګروپ

د کورنيو چارو پخواني وزير نورالحق علومي نن په رسمي توګه له خپلو مرستيالانو بشير بېژن او محمد نعيم غيور سره يو ځای د جمهوري رياست راتلونکو ټاکنو ته د كانديد په توګه نومليکنه وکړه.

هغه تر نومليكنې وروسته خبريالانو ته وويل، د زورواکۍ په وړاندې به مبارزه او د ولسواكۍ او د قانون د واکمنۍ لپاره به هڅه وکړي.

نوموړي دغه راز د ټاکنو په خپلواک کمېسيون نيوکه وکړه، چې قانون يې نه دی عملي کړی او دوی به د جمهوري رياست په ټاکنو کې د فساد او لاسوهنې په وړاندې ټينګه مبارزه وکړي.

نورالحق علومي شپږم تن شو، چې د راتلونکي لمريز کال د جمهوري رياست ټاکنو ته ځان كانديدوي.

تر ده وړاندې عبدالطيف پدرام، حکيم تورسن، سيد نورالله جليلي، عنايت الله حفيظ او زلمي رسول هم ځانونه کانديد کړي دي.

د جمهوري رياست ټاکنو ته د کانديدانو د نومليکنې بهير د روانې مرغومي مياشتې په ۱۳مه نېټه پيل شوی او د همدې مياشتې تر پايه به دوام ولري.

 

The post نورالحق علومي هم د جمهوري رياست ټاکنو ته ځان کانديد کړ appeared first on pashto.

اصلي اړیکې: https://tkg.af/pashto/2019/01/16/%D9%86%D9%88%D8%B1%D8%A7%D9%84%D8%AD%D9%82-%D8%B9%D9%84%D9%88%D9%85%D9%8A-%D9%87%D9%85-%D8%AF-%D8%AC%D9%85%D9%87%D9%88%D8%B1%D9%8A-%D8%B1%D9%8A%D8%A7%D8%B3%D8%AA-%D9%BC%D8%A7%DA%A9%D9%86%D9%88-%D8%AA/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading