بازتاب نیوز

عمران خان د افغان جګړې پای سیاسي حل لار بولي

٢٧ مرغومی ١٣٩٧ طلوع نیوز

د پاکستان لومړي وزیر، عمران خان سې‎شنبې( د مرغومې په ۱۵مه نېټه) پاکستان کې د امریکا متحده ایالاتو پخواني سفري، کامرون مونتر سره په لیدنه کې ویلي چې هېواد  یې په افغانستان کې د جګړې پای په پار له سیاسي حل لارې ملاتړ کوي او هغه یوازېنۍ د حل لار بولي.

انټرنېشنل ډي نیوز خبري آژانس په خپل یوه راپور کې ليکلي دي چې ښاغلي خان په دې لیدنه کې د پاکستان د اقتصادي پروګرامونو د پلې کېدو لپاره په سیمه کې امن مهمه بللی دی.

د پاکستان لومړي وزیر همداراز د پاکستان او امریکا ترمنځ په پیاوړې اړیکې هم ټینګار کړی او پر باور ولاړه اړیکه یې مهمه بللي ده.

عمران خان همداراز ويلي دي چې لومړي توب یې د پاکستان خلکو په ژوند کې د ټولنیز اقتصاد او د سرچینو عادلانو ویش پر اساس، اساسي بدلون راوستل دي.

په همدې حال کې پاکستان کې د امریکا پخواني سفیر پاکستان کې خپله کاري دوره ارزښتناکه بللې ده.

ده همداراز د پاکستان او امریکا ترمنځ د پیاوړو اړیکو ملاتړ کړی دی.

 دې امریکايي ديپلومات پاکستان په سیمه کې د امریکا موخو لپاره مهم هېواد بللی دی.

اصلي اړیکې: https://www.tolonews.com/pa/afghanistan/%D8%B9%D9%85%D8%B1%D8%A7%D9%86-%D8%AE%D8%A7%D9%86-%D8%AF-%D8%A7%D9%81%D8%BA%D8%A7%D9%86-%D8%AC%DA%AB%DA%93%DB%90-%D9%BE%D8%A7%DB%8C-%D8%B3%DB%8C%D8%A7%D8%B3%D9%8A-%D8%AD%D9%84-%D9%84%D8%A7%D8%B1-%D8%A8%D9%88%D9%84%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading