بازتاب نیوز

د افغانستان له خاورې به کوم هېواد له ګواښ سره مخ نشي

٢٧ مرغومی ١٣٩٧ طلوع نیوز

د هېواد د بهرنیو چارو وزارت ډاډ ورکوي چې د افغانستان له خاورې هېڅ ګاونډې هېواد ته ګواښ نه پيښېږي.

آزادۍ راډیو د ترکمنستان د دفاع وزارت له قوله لیکلي دي چې دې هېواد له افغانستان نه د ترهګریزو احتمالي پېښېدونکو ګواښونو مخنیوي په موخه د خپل پوځ لپاره د اضافي سرتېرو زېرمې لپاره نوم لیکنه پیل کړې ده.

د ترکمنستان د دفاع وزارت یوې سرچینې ازادي راډیو ته ویلي، نږدې ټول هغه سړي چې عمرونه‌یې له ۵۰ کلنۍ کم دي، په احتیاطي سرتېرو کې به ثبتېږي.

افغانستان له ترکمنستان سره د هرات ولایت په ګلران د بلخ ولایت تر شورتېپې ولسوالۍ د ۸۰۴ کیلو مترو په اوږدوالي پوله لري او یو شمېر سیمې نا امنه هم دي.

د بهرنیو چارو وزارت ویاند، صبغت احمدي وویل:«ټولو ګاونډیو هېوادونو ته ډاډ ورکوو چې د افغانستان له خاورې دوی ته هېڅ ګواښ نه پيښېږي.»

د راپورونو له مخې اوس مهال ترکمنستاني چارواکي له افغانستان سره پوله کې د افغانستان په خاوره کې د طالبانو له شتون نه اندېښنه لري.

اصلي اړیکې: https://www.tolonews.com/pa/afghanistan/%D8%AF-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D9%84%D9%87-%D8%AE%D8%A7%D9%88%D8%B1%DB%90-%D8%A8%D9%87-%DA%A9%D9%88%D9%85-%D9%87%DB%90%D9%88%D8%A7%D8%AF-%D9%84%D9%87-%DA%AB%D9%88%D8%A7%DA%9A-%D8%B3%D8%B1%D9%87-%D9%85%D8%AE-%D9%86%D8%B4%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading