بازتاب نیوز

امريکا د پاکستان له لارې پر طالبانو د قشار راوړلو هڅه کوي

٢٧ مرغومی ١٣٩٧ د كليد ګروپ

د پاکستاني رسنیو د راپورونو له مخې امریکايي حکومت هڅه کوي د پاکستان له لارې پر طالبانو فشارونه راولي او دغه ډله له افغان حکومت سره مخامخ خبرو ته حاضره کړي.

پاکستاني رسنیو ته ديپلوماتيکو سرچینو ویلي چې پاکستان ته د امریکایي ديپلوماتانو سفرونه ډېر شوي دي او هدف یې هم دا دی، چې پاکستان قانع کړي او دغه هېواد بیا پر طالبانو فشار راولي چې روانه جګړه له افغان حکومت سره د مخامخ خبرو له لارې ختمه کړي.

په همدې اونۍ کې د ګڼو امریکايي ديپلوماتانو ترڅنګ د امریکا د ملي امنیت شورا د جنوبي اسیا د چارو مسووله لیزا کرېتس هم اسلام اباد ته تللې وه. نوموړې هم له پاکستاني حکومت غوښتي چې د افغان سولې په پروسه کې همکاري وکړي او پر طالبانو فشار راولي. امریکا داسې مهال دغه هڅه کوي چې طالبانو امریکا ته د فشارونو د راوستلو په تړاو خبرداری ورکړی دی. دوی ویلي که امریکا له نورو لارو پر طالبانو د فشار راوستلو هڅه کوي نو ښایي د سولې خبرې لغوه کړي.

The post امريکا د پاکستان له لارې پر طالبانو د قشار راوړلو هڅه کوي appeared first on pashto.

اصلي اړیکې: https://tkg.af/pashto/2019/01/17/%D8%A7%D9%85%D8%B1%D9%8A%DA%A9%D8%A7-%D8%AF-%D9%BE%D8%A7%DA%A9%D8%B3%D8%AA%D8%A7%D9%86-%D9%84%D9%87-%D9%84%D8%A7%D8%B1%DB%90-%D9%BE%D8%B1-%D8%B7%D8%A7%D9%84%D8%A8%D8%A7%D9%86%D9%88-%D8%AF-%D9%82%D8%B4/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading