بازتاب نیوز

د سولې ولسي کاروان بیا د اوربند غوښتنه وکړه

١٧ سلواغه ١٣٩٧ آریانا نیوز

له هلمند ولایت څخه د پاڅیدلي سولې ولسي کاروان سلګونه غړیو د پنجشنبې پر ورځ( د مرغومي۲۷) په کندهار کې د سولې او اوربند رامخته کولو په موخه لاريون تر سره کړ.

له دوی سره، چې په لاريون کې د کندهار اوسیدونکیو هم ملتيا کوله د جګړې له ښکېلو غاړیو وغوښتل، چې سوله وکړي او روانه جګړه پای ته ورسوي.

د سولې ولسي کاروان مشر باچاخان مولاداد ویلي، چې د اوربند رامنځته کولو پر نيت يې د هېواد په لويو ښارونو کې سوله ییز لاريونونه پیل کړي او غواړي له دې لارې تر ښکېلو غاړیو د سولې غږ او پیغام ورسوي.

دوی وایي، جګړې د هېواد د اساسي پرمختګ مخه نیولې او هره ورځ په کې افغانان قرباني ورکوي.

د سولې ولسي کاروان غړیو د لاريون په پای کې شپږ ماده یيز پرېکړه ليک هم لوستی، چې په کې تر ډېره د جګړې پر پای ته رسولو او سولې ټینګار شوی دی.

دوى په داسې حال کې د سولې او اور بند غوښتنه کوي، چي د امريکا د بهرنیو چارو وزارت ځانګړی استازی زلمی خليلزاد د افغان سولې په اړه په اسلام آباد کې پر خبرو بوخت دی او د سولې په اړه یې په هند، چین او عربي هېوادونو کې د افغان سولې په اړه د دغو هېوادونو له مشرانو سره خبرې کړي دي.

 

خبریال: بريالي رحيمي

اصلي اړیکې: https://ariananews.af/o-ouuu-61/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading