بازتاب نیوز

بادغیس؛ لسګونه دولتي ځواکونه تښتېدلي او تسلیم شوي

٢٥ کب ١٣٩٧ نن ټکی اسیا

نن ټکی اسیا (شنبه، ۲۵کب، ۱۳۹۷ل): د بادغیس ولایتي شورا وايي، بالامرغاب ولسوالۍ کې دولتي ځواکونو خپل پنډغالي پرېيښي، ځينو د تسلیمۍ لاسونه پورته کړې او ځينې نور په تېښته بریالي شوي دي.

د دې شورا غړي فرید اخیزي رسنیو ته وویل، شاوخوا ۱۶ پوستې پرېښودل شوې، ۵۰ عسکر طالبانو ته تسلیم شوي او د ۱۰۰ شاوخوا نور په تېښته بریالي شوي دي.

هغه وايي ولسوالۍ د طالبانو له لوري محاصره ده، خو کابل کې یا هم د بادغیس ولایت کې ځايي چارواکي لا هم پټه خوله دي.

طالبانو د پېښې پخلی کړی او لیکلي يې دي، چې د ترکمنستان پولې سره څېرمه د مورچاق سیمه يې بشپړه لاس ته ورغلې.

د طالبانو د خبرپاڼې له مخې دولتي ځواکونه له درېیو کنډکونو، یوې کلا او ۱۵ پوستو تښتېدلي دي او د ولسوالۍ مرکز د دوی تر محاصرې لاندې دی.

طالبانو د تسلیم شویو کسانو شمېر ۳۰ تنه ښوودلی او وايي چې لا هم هڅه کوي چې محاصره عسکر حقایق درک، د تسلیمۍ لاسونه پورته او کورنۍ يې له ويره وساتل شي.

اصلي اړیکې: https://www.nunn.asia/141196/%D8%A8%D8%A7%D8%AF%D8%BA%DB%8C%D8%B3%D8%9B-%D9%84%D8%B3%DA%AB%D9%88%D9%86%D9%87-%D8%AF%D9%88%D9%84%D8%AA%D9%8A-%DA%81%D9%88%D8%A7%DA%A9%D9%88%D9%86%D9%87-%D8%AA%DA%9A%D8%AA%DB%90%D8%AF%D9%84%D9%8A/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading