بازتاب نیوز

په هلمند کې څلورو سنګوريانو ته مرګ ژوبله واوښته

٢٦ کب ١٣٩٧ د كليد ګروپ

د هلمند د مرکز لښکرګاه ښار د لومړۍ امنيتي حوزې په مربوطاتو كې د چسپكي ماين چاودنې د يوه قوماندان په ګډون د ملي امنيت څلورو سرتېرو ته مرګ ژوبله اړولې ده.

يوې باوري امنيتي سرچينې د نوم نه ښودلو په شرط كليد ته وويل، دا چاودنه تېره شپه شاوخوا اته بجې د ملي امنيت د سنګوريانو قطعې پر يوه موټر شوې، چې په ترڅ كې يې د يادې قطعې دوه سرتېري وژل شوي او درې تنه نور ټپيان دي.

خو د هلمند د والي وياند عمر ځواك بيا په پېښه كې د يوه تن وژل كېدل او درېيو نورو ژوبلېدل تاييدوي.

بلخوا د هلمند والي جنرال محمد ياسين خان پر خپله فېسبوك پاڼه د ملي امنيت د وژل شوي قوماندان نوم قدرت الله ښودلى او ويلې يې دي، چې په پېښه كې درې نور سرتېري برسېرن ټپيان شوي دي.

د چاودنې مسووليت وسله والو طالبانو پر غاړه اخيستى.

 

The post په هلمند کې څلورو سنګوريانو ته مرګ ژوبله واوښته appeared first on pashto.

اصلي اړیکې: https://tkg.af/pashto/2019/03/17/%D9%BE%D9%87-%D9%87%D9%84%D9%85%D9%86%D8%AF-%DA%A9%DB%90-%DA%85%D9%84%D9%88%D8%B1%D9%88-%D8%B3%D9%86%DA%AB%D9%88%D8%B1%D9%8A%D8%A7%D9%86%D9%88-%D8%AA%D9%87-%D9%85%D8%B1%DA%AB-%DA%98%D9%88%D8%A8%D9%84/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading