بازتاب نیوز

تخار؛ د اردو او پولیسو تر منځ جګړه شوې

٢٦ کب ١٣٩٧ نن ټکی اسیا

د تخار چارواکي وايي په درقد ولسوالۍ کې د ملي اردو او پولیسو تر منځ جګړه کې درېیو تنو ته مرګ‌ژوبله اوښتې ده.

د دې ولایت د امنیه قومندانۍ ویاند عبدالخلیل اسیر افغان اسلامي اژانس ته ویلي، جګړه د درقد ولسوالۍ د امنیه قومندانۍ د پولیسو او ملي اردو عسکرو تر منځ وروسته له هغه رامنځته شوه، چې لومړۍ لفظي شخړه وشوه.

هغه وايي د پېښې د څېړلو په موخه يې هلته پلاوی هم لېږلی او زیاتوي چې یو پولیس او یو د اردو عسکر ټپيان شوي، خو د مخابرې امر عزیزالرحمن وژل شوی دی.

دا په داسې حال کې دی چې تېره اوونۍ بلخ کې هم د نوي امنیه قومندانۍ د معرفۍ د مخنیوي په هڅه کې نږدې ۲۵ تنو ته مرګ‌ژوبله واوښته او د دولتي ځواکونو خپل‌منځي جګړې درې ساعته دوام وکړ.

د پوځي شنونکو په باور نظامي لیکو کې یو پر بل اعتمادي تر هغه بریده رسېدلی ده، چې حتی د مخالفو‌ وسله‌والو د بریدونو پر وړاندې هم د دولتي ځواکونو تر منځ همغږې ناشونې شوې ده او پرلپسې د تسلیمۍ لاسونه پورته کوي.

اصلي اړیکې: https://www.nunn.asia/141267/%D8%AA%D8%AE%D8%A7%D8%B1%D8%9B-%D8%AF-%D8%A7%D8%B1%D8%AF%D9%88-%D8%A7%D9%88-%D9%BE%D9%88%D9%84%DB%8C%D8%B3%D9%88-%D8%AA%D8%B1-%D9%85%D9%86%DA%81-%D8%AC%DA%AB%DA%93%D9%87-%D8%B4%D9%88%DB%90/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading