بازتاب نیوز

د سوریې ډموکراټیکو ځواکونو په بشپړه توګه د داعش له ماتې خبر ورکړ

٣ وری ١٣٩٨ طلوع نیوز

د سوریې ډموکراټیکو ځواکونو په سوریه کې په بشپړه توګه د داعش ماته او د دغې ډلې له خوا د دوی بلل شوي خلافت پای اعلان کړ.

د سوریې دموکراټیک ځواکونه وايي چې په سلګونه داعش جنګیالیو ځانونه هغوی ته تسلیم کړي دي او اوس، داعش په سوریه کې هېڅ سیمه په واک کې نه لري.

د سوریې د ډموکراټیک ځواک یو چارواکی مصطفي بالي د شنبې پر سهار (د وري په ۳ مه) پر داعش د خپلې بریا خبر په ټیوټر کې ټیوټ کړه:«د سوریې ډموکراټیک ځواکونه، د داعش ډلې له خوا بلل شوي خلافت پای او همدارنګه سل په سلو کې د هغوی تر واک لاندې سیمو د نیولو اعلان کوي. په دې بې مخینې ورځ د هغو زرګونو تنو قربانۍ چې په دغې لاره کې شهید شول لمانځو. د هغوی هڅې وې چې دا بریا ممکنه شوه.»

دا په داسې حال کې ده چې تېره ورځ، د امریکا ولسمشر ډونلډ ټرمپ هم اعلان وکړ چې داعش ډلې په سوریه کې د خپلې ولکې لاندې سیمې له لاسه ورکړي دي.

د داعش ډلې جنګیالیو، په ۲۰۱۴ کال کې د سوریې او عراق د خاورې ځینې برخې ونیولې او اعلان یې وکړ چې په دې سیمو کې اسلامي خلافت رامنځته کوي.

اصلي اړیکې: https://www.tolonews.com/pa/world/%D8%AF-%D8%B3%D9%88%D8%B1%DB%8C%DB%90-%DA%89%D9%85%D9%88%DA%A9%D8%B1%D8%A7%D9%BC%DB%8C%DA%A9%D9%88-%DA%81%D9%88%D8%A7%DA%A9%D9%88%D9%86%D9%88-%D9%BE%D9%87-%D8%A8%D8%B4%D9%BE%DA%93%D9%87-%D8%AA%D9%88%DA%AB%D9%87-%D8%AF-%D8%AF%D8%A7%D8%B9%D8%B4-%D9%84%D9%87-%D9%85%D8%A7%D8%AA%DB%90-%D8%AE%D8%A8%D8%B1-%D9%88%D8%B1%DA%A9%DA%93

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading