بازتاب نیوز

په فارياب كې ۲۰ وسله والو طالبانو ته مرګ ژوبله واوښته

٢٧ وری ١٣٩٨ د كليد ګروپ

په فارياب كې د وسله والو طالبانو او امنيتي ځواكونو ترمنځ په نښته كې ۲۰ طالبانو ته مرګ ژوبله اوښتې ده.

د ۲۰۹ شاهين قول اردو وياند محمد حنيف رضايي كليد ته وويل، طالبانو د دوشنبې په مازديګر شاوخوا پنځه بجې د فارياب د دولت اباد ولسوالۍ پر مركز بريد وكړ، چې له شاوخوا پنځه ساعته جګړې وروسته په شا وتمبول شو.

د نوموړي په خبره، په دې جګړه كې شپږ طالبان وژل شوي او په دولت اباد ولسوالۍ كې د طالبانو د نظامي كمېسيون د مسوول مولوي احسان الله په ګډون ۱۴ تنه نور ټپيان دي.

رضايي زياته كړه، په ياده نښته كې امنيتي سرتېرو او ملكي وګړو ته زيان نه دى رسېدلى.

وسله والو طالبانو تراوسه په دې اړه خپل نظر نه دى څرګند كړى.

د يادولو ده، چې طالبانو د تېرې يكشنبې په شپه هم د دولت اباد ولسوالۍ پر مركز بريد كړى و، خو د څلورو قوماندانانو په ګډون يې نېږدې ۳۰ وسله والو ته د مرګ ژوبلې تر اوښتو وروسته سيمه پرېښوده.

 

The post په فارياب كې ۲۰ وسله والو طالبانو ته مرګ ژوبله واوښته appeared first on pashto.

اصلي اړیکې: https://tkg.af/pashto/2019/04/16/%D9%BE%D9%87-%D9%81%D8%A7%D8%B1%D9%8A%D8%A7%D8%A8-%D9%83%DB%90-%DB%B2%DB%B0-%D9%88%D8%B3%D9%84%D9%87-%D9%88%D8%A7%D9%84%D9%88-%D8%B7%D8%A7%D9%84%D8%A8%D8%A7%D9%86%D9%88-%D8%AA%D9%87-%D9%85%D8%B1%DA%AB/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading