بازتاب نیوز

د یوه خبریال د وژلو په تړاو پر اعدام د دوو تنو محکومېدل

٢٧ وری ١٣٩٨ طلوع نیوز

د هېواد لویې څارنوالۍ په یوې خبرپاڼه کې ویلي چې کندهار کې دوه تنه د یوه خبریال د وژلو په تړاو په اعدام محکوم شوي دي.

په خبرپاڼه کې راغلي چې لویې څارنوالۍ د کابل نیوز خبریال عبدالمنان ارغند د وژلو د قضیې د څېړلو له بشپړولو وروسته د هغه دوسیه یې د مجازاتو له غوښتنې سره محکمې ته استولې او د دغه خبریال د وژلو عاملان یې د وري په  ۱۷ مه د جزا کود د ۲۶۷ په مطابق په اشد مجازات (اعدام) محکوم شول.

د هېواد لویې څارنوالۍ په دغې خبرپاڼه کې ویلي چې عبدالمنان ارغند، یو کال مخکې په کندهار کې په یوه ترهګریز برید کې ووژل شو.

د دغې خبرپاڼې پر بنسټ، د عبدالمنان ارغند کورنۍ او د افغانستان د خبریالانو فډراسیون، کابل کې د دغې دوسیې د څېړلو غوښتونکې شول چې د دوی د غوښتنې پر بنسټ او د لویې څرنوالۍ د لارښونې پر بنسټ، د پېښې تورن سره له تورنو مرکز ته ولېږدول شي.

لویه څارنوالۍ وايي چې تراوسه د خبریالانو په وړاندې د تاوتریخوالي څه باندې ۵۰ پېښو ته رسېدنه شوې ده.

په خبرپاڼه کې راغلي چې لویې څارنوالۍ د بیان ازادۍ او خبریالانو ملاتړ ته ژمنه ده او یو ځل بیا ډاډ ورکوي چې د خبریالانو په وړاندې د تاوتریخوالي رسېدنې ته په جدیت او قاطعیت به عمل وکړي. 

اصلي اړیکې: https://www.tolonews.com/pa/afghanistan/%D8%AF-%DB%8C%D9%88%D9%87-%D8%AE%D8%A8%D8%B1%DB%8C%D8%A7%D9%84-%D8%AF-%D9%88%DA%98%D9%84%D9%88-%D9%BE%D9%87-%D8%AA%DA%93%D8%A7%D9%88-%D9%BE%D8%B1-%D8%A7%D8%B9%D8%AF%D8%A7%D9%85-%D8%AF-%D8%AF%D9%88%D9%88-%D8%AA%D9%86%D9%88-%D9%85%D8%AD%DA%A9%D9%88%D9%85%DB%90%D8%AF%D9%84

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading