بازتاب نیوز

د حکومت لخوا د قطر ناستې د ګډون‎کوونکو لومړني نوملړ چمتو کېدل

٢٧ وری ١٣٩٨ طلوع نیوز

حکومت په دوحه کې د سولې په ناسته کې د ګډون کوونکو یو ۲۵۰ کسیز لومړنی نوملړ چمتو کړی دی.

په دې نوملړ کې ۹۰ تنه له حکومته بهیر د سیاسي بهیرونو غړي دي او ّاتي نور یې د حکومت لخوا معرفي شوي دي.

په دې ۲۵۰ کسیز نوملړ کې ۵۲ ښځو نومونه هم لیدل کېږي.

په دې اړه د ولسمشر ویاند، هارون چخانسوري وايي هغه کسان چې په دې نوملړ کې یې نومونه دي د افغانستان د ټولو اقشارو استازیتوب کولی شي.

دی زیاتوي:«د دوحې کنفرانس لپاره د افغانستان د حکومت نوملړ چې د سیاسي ګوندونو، د سیاسي مستقلو شخصیتونو او مربوطه بنسټونو لخوا معرفي شوي وو، به دې نوملړ کې د افغانستان د ټولو خلکو استازیتوب کېږي.»

د حکومت لخوا په دې چمتو شوي نوملړ کې د حکومتي چارواکو، مدني فعالانو، دیني عالمانو، سیاسي فعالانو  او د خبریالانو نومونه لیدل کېږي.

که څه په خپاره شوي نوملړ کې د محمد اسماعیل خان، عطامحمد نور او د یونس قانوني نومونه ځای لري، خو پخواني ولسمشر حامد کرزي او د حزب اسلامي مشر، ګلبدین حکمتیار ته د نېږدې کسانو او د دوی نومونه به دې نوملړ کې نه شته.

همداراز د ولسمشرۍ نوماندانو له ډلې یوازې د حنیف اترم نوم په دې نوملړ کې لیدل کېږي.

د خپاره شوي نوملړ لیدو لپاره دا ځای کېکاږئ:

اصلي اړیکې: https://www.tolonews.com/index.php/pa/afghanistan/%D8%AF-%D8%AD%DA%A9%D9%88%D9%85%D8%AA-%D9%84%D8%AE%D9%88%D8%A7-%D8%AF-%D9%82%D8%B7%D8%B1-%D9%86%D8%A7%D8%B3%D8%AA%DB%90-%D8%AF-%DA%AB%DA%89%D9%88%D9%86%E2%80%8E%DA%A9%D9%88%D9%88%D9%86%DA%A9%D9%88-%D9%84%D9%88%D9%85%DA%93%D9%86%D9%8A-%D9%86%D9%88%D9%85%D9%84%DA%93-%DA%86%D9%85%D8%AA%D9%88-%DA%A9%DB%90%D8%AF%D9%84

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading