بازتاب نیوز

ملګرو ملتونو د طالبانو له لوري د پسرلينو عملياتو پيلول وغندل

٢٨ وری ١٣٩٨ د كليد ګروپ

د ملګرو ملتونو د امنیت شورا په یوه اعلامیه کې د طالبانو پسرلني عملیات غندلي او ویلي یې دي چې “دغه عملیات به د افغانستان د خلکو په لازیاتې او بې ځایه بربادۍ تمام شي.”

وسله والو طالبانو د جمعې په ورځ د الفتح په نوم خپل پسرلني عملیات د افغانستان په ټولو برخو کې پیل کړل.

طالبانو خپل پسرلني عملیات په داسې حال کې اعلان کړي چې د ملګرو ملتونو سازمان د افغانستان د سولې خبرو اترو د تسهیل لپاره د ۱۱ طالب مشرانو نومونه د نړیوالو تحریمونو له لست څخه ایستلي دي.

سره له دې چې د طالبانو استازو له تېر کال راهیسې لږ تر لږه پنځه وارې د امریکا متحده ایالتونو ځانګړي استازي، زلمي خلیلزاد سره لیدلي دي، خو په افغانستان کې دغې ډلې خپل عملیاتو ته هماغسې ادامه ورکړې ده.

ټاکل شوې چې د طالبانو سره د سولې خبرو اترو تازه پړاو به د طالبانو استازو او ۲۵۰ کسیزه افغان پلاوي تر منځ د قطر په پلازمینه دوحه کې تر سره شي.

د ملګرو ملتونو د امنیت شورا د افغانستان په جګړه کې له ټولو ښکېلو غاړو غوښتي چې د دغه فرصت څخه ګټه واخلي او دایمي سولې ته د رسیدلو لپاره زمینه برابره کړي.

The post ملګرو ملتونو د طالبانو له لوري د پسرلينو عملياتو پيلول وغندل appeared first on pashto.

اصلي اړیکې: https://tkg.af/pashto/2019/04/17/%D9%85%D9%84%DA%AB%D8%B1%D9%88-%D9%85%D9%84%D8%AA%D9%88%D9%86%D9%88-%D8%AF-%D8%B7%D8%A7%D9%84%D8%A8%D8%A7%D9%86%D9%88-%D9%84%D9%87-%D9%84%D9%88%D8%B1%D9%8A-%D8%AF-%D9%BE%D8%B3%D8%B1%D9%84%D9%8A%D9%86/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading