بازتاب نیوز

ملګرو ملتونو په افغانستان کې د نفوس پر چټکې ودې اندېښنه وښوده

٢٨ وری ١٣٩٨ د كليد ګروپ

ملګري ملتونه په افغانستان کې د کورنیو د تنظیم او نفوس د چټکې ودې په اړه اندېښنه ښيي.

د افغانستان د نفوس لپاره د ملګرو ملتونو وجهي صندوق ویلي په افغانستان کې واده شوې جوړې لا هم د کورنۍ د تنظیم لپاره عصري وسایلو ته لاسرسی نه لري او لا هم افغان مېرمنې د زېږون پر مهال خپل ژوند بایلي.

د دغه ادارې په وینا لا هم په افغانستان کې د زېږون پر مهال عصري وسایلو او منظمو روغتیايي خدماتو ته لاسرسی نشته دی، چې له امله یې د مور او ماشوم مړینه ډېره شوې ده.

سرچینه کاږي چې په ټوله نړۍ کې هره ورځ ۸۰۰ مېرمنې د زېږون پر مهال مړې کېږي او په افغانستان کې بیا په هرو دوو ساعتونو کې یوه مور د زېږون پر مهال خپل ژوند بایلي.

د افغانستان د عامې روغتیا وزارت هم وایي افغانستان د نفوس له چټکې ودې سره مخ دی او که همدا وده دوام وکړي، نو ښايي تر راتلونکو ۲۴ کلونو د افغانستان نفوس دوه برابره شي.

دغه وزارت وایي دوی د کورنۍ د تنظیم ځانګړې څانګه لري چې خپلې هڅې کوي خو د نړیوالو بنسټونو لاسنیوي ته اړتیا لري.

The post ملګرو ملتونو په افغانستان کې د نفوس پر چټکې ودې اندېښنه وښوده appeared first on pashto.

اصلي اړیکې: https://tkg.af/pashto/2019/04/17/%D9%85%D9%84%DA%AB%D8%B1%D9%88-%D9%85%D9%84%D8%AA%D9%88%D9%86%D9%88-%D9%BE%D9%87-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%DA%A9%DB%90-%D8%AF-%D9%86%D9%81%D9%88%D8%B3-%D9%BE%D8%B1-%DA%86/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading