بازتاب نیوز

افغانستان د ۱۲۶ منډو په لوی توپیر آیرلند مات کړ

افغانستان د ۱۲۶ منډو په لوی توپیر آیرلند مات کړ

١ جوزا ١٣٩٨ کابل مانیتور کابل مانیتور

د هیواد د کرکټ ملي لوبډلې د دوو پنځوس اوریزو لوبو په دویمه سیالۍ کې آیرلنډ ته د ۱۲۶ منډو په لوی توپیر ماتې ورکړه. دا سیالۍ چې د مې په یوویشتمه د آیرلند په کوربه‌توپ ترسره شوه، سیالۍ لوبډلې د لوبې پچه وګټله او افغان اتلانو ته یې د لومړۍ توپوهنې بلنه ورکړه. افغانستان په پنځوسو اورونو کې د اوو لوبغاړو په زیان آیرلنډ ته د ۳۰۶ منډو هدف ورکړ. په ځواب کې آیرلنډ یواځې ۴۱ اورونه ولوبول او د ټولو لوبغاړو په سوځیدو یې ۱۷۶ منډې وکړې. د افغان لوبډلې کیپټان ګلبدین نائب په زړه پورې لوبه نندارې ته وړاندې کړه او د لومړي ځل لپاره یې په یو ورځینیو سیالیو کې د آیرلنډ د شپږو لوبغاړو ویکټې واخیستې او د لوبې لوری یې د افغانستان په ګټه بدل کړ. دغه راز دولت ځدراڼ، آفتاب عالم او رحمت‌شاه هم د یو یو آیرلندي لوبغاړي له میدان څخه بهر کړل. په توپوهنه کې شهزاد محمدي د افغانستان لپاره ۱۰۱ ارزښتانکې منډې ترلاسه کړې او په ۸۸ بالونو یې سلیزه جوړه کړه. همدا شاه رحمت‌شاه زرمتي په ۶۲، نجیب‌الله ځدراڼ په ۶۰، حشمت‌الله شهیدي په ۴۷، اصغر افغان په ۱۴، نور علي ځدراڼ په ۵ او ګلبدین نائب په ۳ منډو خپلې ویکټې له لاسه ورکړې. دا سیالۍ په داسې حال کې ترسره کیږي، چې د ۲۰۱۹ کال د کرکټ نړیوال جام ته د ګوتو په شمیر ورځې پاتې دي. دا جام د مې په ۳۰مه په بریتانیې کې ترسره کیږي او ټاکل شوې چې افغان اتلان د دغه جام له پیل څخه مخکې د مې په ۲۴مه او ۲۷مه د دوو تمریناتي سیالیو د ترسره کولو لپاره د پاکستان او انګلستان په وړاندې د سیالیو ډګر ته ووځي.

Baztab News is a web based service to Aggregate news articles