بازتاب نیوز

زلمي خلیلزاد بیا له ښکېلو لورو د تاوتریخوالي کمولو غوښتنه وکړه

١ ساعتونه بی بی سی بی بی سی

د افغان سولې لپاره د امریکا ځانګړی استازی زلمی خلیلزاد د جګړې له ټولو ښکېلو لورو بیا د تاوتریخوالي کمول غواړي. د نوموړي دا څرګندونې په داسې مهال دي چې پرون کندوز کې ځايي چارواکو ومنله، په هوايي برید کې لسګونه طالبانو او ولسي وګړو ته مرګ ژوبله اوښتې ده.

بین الافغاني خبرې: د مذاکراتو پر طرز العمل لا هم هوکړه نه ده شوې

١٥ ساعتونه بی بی سی بی بی سی

د دوحې بین الافغاني مذاکراتو کې د افغان دولت مرکچي پلاوی وايي، جدي هڅې روانې دي چې له طالبانو سره د مذاکراتو د طرزالعمل اختلافي موارد حل شي. په دوحه کې د سولې له خبرو سره هم مهاله، په دې ورځو کې د افغانستان په بېلابېلو برخو کې د جګړې او تاوتریخوالي په اړه رپوټونه زیات شوي دي.

د افغانستان روغتیا وزارت: د پوهنتونونو او ځینو ښوونځیو بیا پرانیستو کورونا وبا نه ده ډېره کړې

٢٢ ساعتونه بی بی سی بی بی سی

د افغانستان د روغتیا وزارت وايي، په هېواد کې د ځینو ښوونځیو او ټولو پوهنتونونو له بیا پرانیستل کېدو کابو یوه میاشت وروسته په دې هېواد کې کورونا وبا نه ده ډېره شوې. په پام کې ده چې د ټولو ښوونځیو بیا پرانیستل کېدو طرحه د افغانستان وزیرانو شورا ته د تصویب لپاره وړاندې شي.

کورونا وېروس؛ افغانستان ملي عوایدو کې ۱۸ میلیارده افغانۍ زیان کړی

١ ورځ بی بی سی بی بی سی

افغان دولت سږ کال د کورونا وېروس کړکېچ له امله تر اوسه ۱۸ میلیارده افغانۍ په ملي عوایدو کې زیان کړی دی. د دغه هېواد د مالیې وزارت وايي چې د سوداګریزې راکړې ورکړې، مالیې راټولونې او دولتي ادارو له لورې د عامه چوپړونو د درېدو له امله یې دغه زیان کړی دی.

کندوز کې هوايي بمبارۍ مرګژوبله اړولې

١ ورځ بی بی سی بی بی سی

کندوز والي تایید کړې چې د ملکيانو په ګډون ۲۰ کسان د دغه ولایت په خان اباد ولسوالۍ کې د هوايي بمبارۍ له کبله وژل شوي دي. والي وايي احتمال شته چې په وژل شویو کې ملکي کسان هم شامل وي.

امنیت شورا: هیله ده بین الافغاني مذاکرات افغانستان کې تلپاتې اوربند راولي

١ ورځ بی بی سی بی بی سی

په داسې حال کې چې د قطر دوحه کې د طالبانو او افغان دولت استازي د سولې او روغې جوړې پر لارو چارو بحثونه کوي، د ملګرو ملتونو امنیت شورا وايي هیله یې دا ده چې دا خبرې پر اورکم هوکړه رامنځ ته او دایمي او ټولشموله اوربند راوستلی شي.

کورونا وېروس؛ افغانستان کې د دویمې څپې راتلو وېره ډېره ده

٢٩ وږی ١٣٩٩ بی بی سی بی بی سی

په داسې حال کې چې د روغتیا نړیوال سازمان خبرداری ورکړی، کورونا ولا هم یو ګواښ دی او د مخینوي لپاره یې لا ډېر څه پکار دي، افغانستان کې د دغه وېروس د دویمې څپې راتلو وېره ډېره ده. افغانستان کې د روغتیا نړیوال سازمان د بېړنیو پروګرامونو مسئول وايي د پوهنتونو او ښوونځیو له بیا پیلېدا سره د پېښو شمېر ډېرېدو ته اندېښنه لري او زیاتوي چې خلک اوس دغه ننګونې جدي نه ګڼي.

رباني: بین الافغاني خبرو کې ښکېل پلاوي د ټول افغانستان استازیتوب نه کوي

٢٨ وږی ١٣٩٩ بی بی سی بی بی سی

د افغانستان د جمعیت اسلامي‌ګوند مشر صلاح الدین رباني وايي، په دوحه کې د سولې په تړاو مذاکره کوونکی ټیم د ټول افغانستان د خلکو استازولي نه شي کولی او هره ډله چې له دغه بهیره بهر پاتې کېږي د افغانستان شخړه به پر خپل ځای پاتې وي.

امرالله صالح: د باعزته سولې راتګ ته ټول ملت تږی دی

٢٨ وږی ١٣٩٩ بی بی سی بی بی سی

د افغان ولسمشر لومړی مرستیال امرالله صالح وايي، هیڅ با عزته افغان د داسې سولې مخالف نه دی چې د افغانانو هوویت او عزت پکې خوندي وي. ښاغلي صالح زیاته کړه، څوک چې د سولې مخالف دي که سل کاله هم جنګ وکړي بیا هم دغه ټکي ته راځي چې تر یوه بام لاندې د سولې خبرو ته کېني.

نړۍ کې په کورونا د اخته کسانو شمېر له ۳۰ میلیونو واوښت

٢٨ وږی ١٣٩٩ بی بی سی بی بی سی

د امریکا د جان هاپکنز پوهنتون شمېرې وايي، نړۍ کې په کورونا وېروس د اخته کسانو شمېر له دېرش میلیونو پورته شو. تراوسه له دې وېروس ۹ لکه ۴۰ زره کسان مړه شوي دي. امریکا، هند او برازیل کې تر نورو هېوادونو ډېر کسان په کورونا اخته او ترې مړه شوي دي، خو د دې وېروس تازه څپه اروپا کې پیل شوې ده.

ولسمشر غني تذکره کې د مور نوم لیکلو لپاره قانون کې بدلون تائيد کړ

٢٧ وږی ١٣٩٩ بی بی سی بی بی سی

افغان ولسمشر محمد اشرف غني په تذکره ( پېژند پاڼه) کې د ثبت احوال په قانون کې د مور نوم لیکلو اړوند تعدیل توشیح کړ. د ولسمشر ویاند صدیق صدیقي په یوه ټویټر پیغام کې ویلي، ولسمشر دغه تعدیل چې افغان کابینې له مخکې تصویب کړی، د یوه فرمان له مخې توشیح کړ.

جنرال مېلر: د سولې خبرې ښې روانې دي، خو طالبان باید تاوتریخوالی کم کړي

٢٧ وږی ١٣٩٩ بی بی سی بی بی سی

په افغانستان کې د نړیوالو ځواکونو (غوڅ ماموریت) عموي قومندان جنرال سکاټ مېلر ویلي، طالبان باید په هېواد کې د تاوتریخوالي‌ اوسنۍ کچه کمه کړي. جنرال مېلر نن پنجشنبه ختیځ لغمان ولایت ته د سفر پر مهال وویل، دی په ځانګړې توګه ولسي وګړو ته د ور اوښتونکې مرګژوبلې په اړه اندېښمن دی.