بازتاب نیوز

Baztab News is a web based service to Aggregate news articles

عبدالله: د رایو بیا شمیرل ودروئ؛ صالح: بهانې مکوئ

عبدالله: د رایو بیا شمیرل ودروئ؛ صالح: بهانې مکوئ

١ ورځ د امریکا غږ د امریکا غږ

د "ثبات او همپالنې" د ډلې مشر عبدالله عبدالله د افغانستان د ټاکنو له کمېسیون غوښتي چې د رایو بیا شمېرل دې ژر تر ژره ودروي. خو د "دولت ساز" ټیم لومړی معاون امرالله صالح پر ښاغلي عبدالله او ټیم یې غږ کړی چې نور دې د بهانو له سیاست نه لاس واخلي.

امریکا افغانستان کې د نشه يي توکو پر ضد ۸.۹۴ میلیارده ډالر لګولي ـ سیګار

امریکا افغانستان کې د نشه يي توکو پر ضد ۸.۹۴ میلیارده ډالر لګولي ـ سیګار

١٩ لړم ١٣٩٨ د امریکا غږ د امریکا غږ

د امریکا متحده ایالاتو د ۲۰۰۲ میلادي کال راپدېخوا بیا تر دا مهاله په افغانستان کې د غیر قانوني نشه يي توکو سره د مبارزې په برخه کې ۸.۹۴ میلیارده ډالر لګولي دي. د افغانستان پر بیا رغونې د امریکا د څار اداره یا 'سیګار' پخپل تازه راپور کې ادعا کړې، چې په ۲۰۱۷ او ۲۰۱۸ میلادي کلونو کې د غیر قانوني نشه يي توکو ارښت نسبت د دغه هېواد د قانوني صادراتو د تولید ارزښت ته زیات و. سیګار ویلي، په ۲۰۱۸ میلادي کال کې په دغه هېواد کې د کوکنارو په کښت کې د ۲۰سلنې کموالې سره سره، افغانستان د ۱۹۹۴ میلادي کال راهیسې، د نشه يي توکو دوهم ستر تولیدونکی هېواد دی. دغه ادارې همدارنګه ټینګار کړئ، چې د کوکنارو د کښت کموالی د باران د نشتوالي له امله وه، بلکې نه له مخدره موادو پر ضد د مبارزې له امله. د افغانستان پر بیا رغونې د امریکا د څار ادارې زیاته کړې، هغه کسان چې په افغانستان کې د کوکنارو په کښت او یا هم کار او بار او یایې غیر قانوني تجارت کې لاس لري، شمېر یې د افغانستان له ملي اردو او امنیتي سرتېرو څخه زیات دی. خو د افغانستان د کورنیو چارو وزارت د سیګار له دغه ادعا سره موافق نه دی. داچې له زیاتو لګښتونو او مبارزه سره سره افغان حکومت او نړیواله ټولنه په افغانستان کې له نشه يي موادو سره د مبارزې په برخه کې ولې نه دي بریالي شوي، د ولسي جرګې د کورني امنیت د کمېسیون مشر فدا محمد الفت صالح وايي، افغان حکومت نه دی توانیدلی چې په دغه برخه کې د نړیوالو سوداګرو مخه ونیسي. هغه وویل: "ه همدې امله د نشه يي توکو د قاچاق د مخنیوي په برخه کې کوم ښکاره بریالیتوب نه دی تر لاسه شوی." د کورنیو چارو وزارت پخوانی معین مرزا محمد یارمند بیا وايي:" د امریکا متحده ایالاتو پر اصلي دلایلو او د دغه موضوع پر اصلي جرړې باندې تمرکز نه دی کړئ، خلک دلته'افغانستان' ته راغلي څه ناڅه پانګونه یې کړې ده، خو دغه پانګونه بې ځایه شوې ده."