بازتاب نیوز

هغه وزیران استیضاح کیږي، چې له ۷۰ سلنې کمه بودیجه یې مصرف کړې

٨ ليندی -٦٢٣ کابل نیوز کابل نیوز

شنبه, 03 ليندی ولسي جرګه هغه وزیران استیضاح کوي، چې تر ۷۰ سلنې کمه بودیجه یې مصرف کړې. د ولسي جرګې د شنبې ورځې په عمومی غونډه کې همداراز په غوڅ اکثریت پریکړه وشوه، چې د هغو ادارو مسئولان به هم عدلي او قضايي ادارو ته معرفي شي، چې د بودیجې په مصرف کې قانوني تخطۍ لري. په ورته مهال د ولسي جرګې یوشمېر غړي له دې پریکړې هرکلی کوي، خو ځينې نور بیا وایي، چې تر استیضاح مخکې باید وزیران استجواب شي او ترې پوښتنې وشي. په ورته مهال د تفتیش عالي اداره وایي، د یوشمېر ادارو او وزارتونو له لوري د بودیجې د مصرف حساب دوی ته نه دی معلوم. ولسي جرګې د خپلې شنبې ورځې په عمومي غونډه کې د دولتي ادارو او وزارتونو له لوري د ۱۳۹۶ مالي کال د قطعیې په تړاو خبرې وکړې. د ولسي جرګې د مالي او بودیجې کمېسیون وایي، چې ډېرو دولتي ادارو کافي بودیجه نه ده مصرف کړې او وړاندیز یې وکړ، چې هغه وزیران باید استیضاح شي، چې تر ۶۰ او یا ۷۰ سلنې کمه بودیجه یې مصرف کړې وي. ددې کمېسیون رئيس وايي، د هغو ادارو رئیسان دې هم له دندو ګوښه او عدلي او قضايي ادارو ته معرفي شي، چې قانوني تخطۍ یې کړي وي. په ورته مهال د ولسي جرګې یوشمېر غړي بیا وايي هغو وزیرانو، چې تر ۷۰ سلنې کمه بودیجه مصرف کړې باید استیضاح شي، خو ځیني نور بیا په دې باور دي، چې وزیران باید تر استیضاح مخکې استجواب شي، څو د بودیجې د نه مصرف دلائیل یې روښانه شي. له دې سره د ولسي جرګې غړو په غوڅ اکثریت پریکړه وکړه، چې هغه وزیران به استیضاح شي، چې تر ۷۰ سلنې کمه بودیجه یې مصرف کړې. د ولسي جرګې د شنبې ورځې په غونډه کې همداراز پریکړه وشوه، چې د هغو ادارو مسئولان به عدلي او قضايي ارګانونو ته معرفي کیږي، چې په قطعیه کې شامل دي او قانوني سرغړونې یې کړي دي. په ورته مهال د تفتیش عالي ادارې د ۱۳۹۶ کال قطعیې په تړاو په خپل راپور کې وایي، چې د یوشمېر ادارو او وزارتونو له لوري د بودیجې د مصرف حساب نه دی معلوم، خو ډيرو ادارو او وزارتونو په کافي اندازه بودیجه نه ده مصرف کړې. د تفتیش عالي اداره وایي، چې د سولې عالي شورا، علماوو شورا او ځینو نورو ادارو له لوري د لګول شویو بودیجې په تړاو څوک حاضر نه دي، چې دوی ته معلومات ورکړي.  

بصیر حقاني په کابل کې د ناپيژاندو کسانو له لوري ووژل شو

٨ ليندی -٦٢٣ کابل نیوز کابل نیوز

شنبه, 03 ليندی د کابل د علماوو شورا رئيس مولوي بصیر حقاني په کابل کې ووژل شو. د بصیر حقاني ورور کابل نیوز ته وویل، چې مولوي عبدالبصيرحقاني د شنبې پر ورځ له غرمې وروسته شاوخوا ۳ بجې د کابل ښار د اوومې امنیتي حوزې اړوند سیمه کې د نا پيژاندو وسله والو له لوري ووژل شو. مولوي حقاني په رسنيو کې د حکومت په پلوۍ د وسله والو مخالفانو او پاکستان خلاف څرګندونې کولې او د همدغو څرګندونو له امله یې ډېر شهرت هم درلود. د کابل د علماوو شورا رئيس مولوي بصیر حقاني په کابل کې ووژل شو. د بصیر حقاني ورور کابل نیوز ته وویل، چې مولوي عبدالبصيرحقاني د شنبې پر ورځ له غرمې وروسته شاوخوا ۳ بجې د کابل ښار د اوومې امنیتي حوزې اړوند سیمه کې د نا پيژاندو وسله والو له لوري ووژل شو. مولوي حقاني په رسنيو کې د حکومت په پلوۍ د وسله والو مخالفانو او پاکستان خلاف څرګندونې کولې او د همدغو څرګندونو له امله یې ډېر شهرت هم درلود. هغه دوه ورځې مخکې د کابل نیوز تلویزیون په یوه بحث کې ویلي و، چې په کابل کې د علماوو پر غونډې وروستی برید د پاکستان ای اس ای کړی دی. مولوي بصیر حقاني د اکوړه خټک له دارالعلوم حقانیه فارغ، د بغلان ولايت د پلخمري ولسوالۍ اوسیدونکی و، چې له تېرو څو کلونو راپدیخوا په کابل کې اوسیده او په خپلو ويناوو او تلويزوني مرکو کې به يې د امنیتي ځواکونو په پلوۍ څرګندونې کولې. مولوي حقاني ته نږدې سرچينو ويلي، چې نوموړی په کابل ښار کې د جوماتونو د امامانو او عالمانو په چارو کې هم حکومتي مسوولیت درلود.  

کرزي له جواد ظریف سره د سولې په روان بهیر خبرې کړې دي

٨ ليندی -٦٢٣ کابل نیوز کابل نیوز

شنبه, 03 ليندی پخواني ولسمشر حامد کرزي د ایران د بهرنیو چارو له وزیر د سولې او ځینو نورو مساییلو په تړاو خبرې کړي. پخوانی ولسمشر حامد کرزي، چې ایران په دوه ورځني سفر تلل او د وحدت اسلامي په نړیوال کنفرانس دوه ورځني کنفرانس کې تر ګډون مخکې یې د ایران ایران د بهرنیو چارو وزیر سره په کتنه کې د افغانانو په مالکیت د سولې پر مسئلې خبرې کړي. د ایران د بهرنیو چار وزیر پخواني ولسمشر حامد کرزي سره د افغانانو په مشرۍ د سولې له بهیر څخه ملاتړ کړی او ویلی، چې تهران به د افغان سولې په برخه کې خپلې هڅې جاري ساتي.

وکیلان: په لوګر او پروان کې ملکیان هدف ګرځول شوي

٨ ليندی -٦٢٣ کابل نیوز کابل نیوز

شنبه, 03 ليندی د ولسي جرګې غړي وایي، د ګډو ځواکونو عملیاتو کې تر ډېره ملکي خلک وژل کیږي. د ولسي جرګې غړي وایي، چې ګډ ځواکونه له تېرو څو میاشتو راهیسې پر ملکي سیمو خپلسري عملیات کوي، د ښځو ماشومانو په شمول بې ګناه ملکي کسان وژني، خو تر اوسه حکومت په دې تړاو د دوی غږ نه دی اوریدلی. وکیلان وایي، چې د بېګناه افغانانو وژل کېدل له یوه مشخص ادرس څخه کیږي او باید حکومت دا مسئله روښانه کړي او د څېړنې لپاره یې مشخص هیئت وټاکي. پر ملکي سیمو د افغان او بهرنیو ځواکونو هوايي بریدونه او ځمکني عملیات، چې له امله یې ډېره مرګ ژوبله ملکي کسانو ته اوړي د ولسي جرګې د غړو له جدي غبرګون سره مخ شوي دي. د ولسي جرګې غړي وایي، چې پارلمان ته د امنیتي مسئولانو تر استجواب څو ورځې نه تیريږي، خو په دې موده کې ۴ سوه ملکیان او پوځيان وژل شوي دي. د ولسي جرګې غړي وایي، چې نور دې د ملکي خلکو پر سیمو هوايي بمبارۍ او د بې ګناه افغانانو وژل کېدل ودریږي. په همدې حال کې د ولسي جرګې یوشمېر نور غړي وايي، چې پر ملکي سیمو عملیات او د ملکي خلکو وژل کېدل د یوه مشخص ادرس له لوري ترسره کیږي او حکومت باید دا مسئله روښانه کړي. خو د جرګې یوشمېر نور غړي بیا وایي، چې ملي شورا دې په دې تړاو یو هیئت وټاکي، څو د ملکي مرګ ژوبلې عوامل مشخص کړي. د ولسي جرګې رئیس هم پر ملکي سیمو د افغان او بهرنیو ځواکونو پر ځمکنیو او هوایي بریدونو اندېښنه ښيي او وایي، چې د ولسي جرګې اړوند کمېسیون دې په دې تړاو څېړنې وکړي. د ولسي جرګې غړی داسې مهال دي د ګډو ځواکونو پر عملیاتو نیوکه کوي، چې د پنجشنبې په ورځ دغو ځواکونو په لوګر ولایت کې د یوې کورنۍ اته کسان ووژل او بهرنیو ځواکونو د جمعې په ورځ د پروان په جبل سراج کې د ملکي خلکو پر یوه کور هوایي برید وکړ، چې ۵ ملکیان پکې ووژل شول.

شنونکي: د مشورتي بورډ د پلاوي ترکیب کې اغیزناک څېرې نشته

٨ ليندی -٦٢٣ کابل نیوز کابل نیوز

شنبه, 03 ليندی د سولې مشورتي بورډ لپاره د پلاوي ترکیب کې اغیزناک کسان نشته او د سولې روانې هڅې له ناکامۍ سره مخ کوي. د چارو شنونکي وایي، چې د ولسمشر د دفتر رئیس په مشرۍ د سولې مشورتي بورد لپاره د یوولیس کسیز هیئت ټاکل کېدل، چې نومونه یې رسنیو ته راوتلي مهم او اغیزناکې څېرې پکې نشته او دغه کسان نشي کولی د سولې روانې هڅې چټکې او بریالۍ کړي. شنونکي وايي، چې دغه ترکیب وسله والو طالبانو ته هم د منلو نه دی. خو ولسمشرۍ ماڼۍ وايي، چې د سولې مشورتي بورډ د ایجاد په تړاو لاهم مشورې روانې دي او تر نهايي کېدو وروسته به یې جزئیات رسنیو سره شریک شي. د سولې مشورتي بورډ، چې د ولسمشر د دفتر رئيس عبدالسلام رحیمي یې مشري کوي او په ترکیب کې یې یوشمېر وزیران، والیان او د حکومت نور مامؤرین شامل دي له جدي انتقادونو سره مخ شوی دی. د چارو شنونکي وایي، چې ددې مشورتي بورډ د پلاوي په ترکیب کې اغیزناکې څېرې او داسې کسان نشته، چې له وسله والو طالبانو سره د سولې مذاکراتو کې اغیزناک رول ولوبي او دغه پروسه بریالۍ کړي. شنونکي او د ملي شورا غړي وایي، چې د حکومت له لوري د سولې مشورتي بورډ د ایجاد او په ترکیب کې یې د با نفوذه کسانو نه را وستل په دې مفهوم دي، چې د سولې روانو هڅو د بریا لپاره اقدامات نه ترسره کیږي. دوی وايي، چې د سولې مشورتي بورډ لپاره تر ډېره حکومتي کسان انتخاب شوي او دا خلک وسله والو طالبانو ته هم د منلو نه دي. خو ولسمشرۍ ماڼۍ وايي، چې د سولې بهیر ملي پروسه ده او ولسمشر غني د سولې مشورتي بورد د ایجاد په تړاو سلامشورې کړي او ډېر ژر به د یاد بورډ جزیات له رسنیو سره شریک شي. د سولې مشورتي بورډ د ترکیب په تړاو انتقادونه داسې مهال دي، چې د شنونکو په وینا د سولې اوسنی مشورتي بورد، چې د پلاوي نومونه یې خپاره شوي ټولو خلکو او حتی وسله والو طالبانو ته هم د منلو وړ نه دي.

افغان حکومت وايي، د جینوا کنفرانس لپاره پوره چمتووالی لري

٨ ليندی -٦٢٣ کابل نیوز کابل نیوز

شنبه, 03 ليندی ولسمشرۍ ماڼۍ وایي، چې د جینوا کنفرانس د روانې میلادي میاشتې په ۲۷مه او ۲۸مه ترسره کیږي او په دې کنفرانس کې به له خلکو او نړیووالې ټولنې سره د افغانستان د حکومت تعهدات او له افغانستان سره د نړیوالو تعهدات وارزول شي. بل پلو د مصؤنیت کمېټې د یوې اعلامیې په خپرولو سره نیوکه کړې، چې په دې کنفرانس کې یې رسنیو ته دعوت نه دی ورکړی، خو ولسمشرۍ ماڼۍ وايي، چې رسنۍ به خپله ګډون کوي او د دوی په اجنډا کې شاملې نه دي. افغان حکومت د جینوا کنفرانس لپاره، چې ټاکل شوې د روانې میاشتې په ۲۷مه او ۲۸ ترسره شي د پوره چمتوووالي له نیولو خبر ورکوي. د ولسمشر ویاند وایي، چې په دې کنفرانس کې د ۶۲ هیوادونو او ۳۵ نړیوالو نهادونو استازي ګډون کوي او ټاکل شوې په دې کنفرانس کې  له خلکو او نړیووالې ټولنې سره د افغانستان د حکومت تعهدات او له افغانستان سره د نړیوالو تعهدات وارزول شي. ولسمشرۍ ماڼۍ وایي، چې د افغان حکومت داځل له ځینو لاسته راوړنو سره دې ناسته کې ګډون کوي ، خو وايي، چې په دې ناسته کې به له نړیوالې ټولنې د افغانستان د ضرورتونو په تړاو ځینې غوښتنې هم وشي. حکومت وایي، په دې ناسته کې به له یوشمېر پانګه والو غوښتنه وشي، څو په افغانستان کې پانګونه وکړي. بل پلو د مصؤنیت کمېټې د یوې اعلامیې په خپرولو سره نیوکه کړې، چې په دې کنفرانس کې یې رسنیو ته دعوت نه دی ورکړی، خو ولسمشرۍ ماڼۍ وايي، چې رسنۍ به خپله ګډون کوي او د دوی په اجنډا کې شاملې نه دي. افغان حکومت داسې مهال جینوا کنفرانس ته د خپل چمتووالي خبره کوی، چې څو ورځې مخکې د ملي دفاع وزیر د ولسي جرګې غونډې ته وویل، چې افغان ځواکونه په شته تجهیزاتو نشي کولی روانه جګړه مهار کړي.

فرخندې زهرا نادري هم له خپلې دندې استعفا وکړه

٨ ليندی -٦٢٣ کابل نیوز کابل نیوز

شنبه, 03 ليندی   د ملګروملتونو په چارو کې د ولسمشر سلاکارې فرخندې زهرا نادري له خپلې دندې استعفا وکړه. نوموړې، چې د خپلو تیرو فعالیتونو په یوه خبري کنفرانس کې خبرې کولې که څه هم له دندې څخه د استعفا علت نه په ډاګه کوي، خو وایي، چې حکومتي چارواکي له دندې تر استعفا وروسته باید خلکو ته حساب ورکړي. فرخنده نادري وایي، چې د خپل کار په موده کې یې په افغانستان کې د ملګرو ملتونو ادارې منسجمې کړي او دا مهال ۲۸ دفترونه فعالیت کوی. له دندو څخه د حکومتي چارواکو د استعفاوو په لړ کې د ولسمشر سلاکارې فرخندې زهرا نادري هم له خپلې دندې رسما استعفا ورکړه. سره له دې، چې نادري د خپلې استعفا لامل نه روښانه کوي، خو وایي هر حکومتي چارواکی چې له خپلې دندې استعفا ورکوي باید د خپلو کارکړنو په تړاو خلکو ته ځواب ووايي. د نوموړې په وینا په افغانستان کې د استعفا بهیر فیسبوکي او ټویټري بڼه لري چې هیڅ استعفا لیک قانوني پړاونه نه تیروي. نادري دغه راز وایي د خپل ماموریت پر مهال یې هڅه کړې، څو په افغانستان کې د ملګروملتونو سازمان دفترونه تر یو قانوني چتر لاندې راولي. د نوموړې په وینا دمګړۍ په افغانستان کې د ملګرومتونو د سازمان ۲۸ دفترونه ماموریت ترسره کوي چې ددغو دفترونو په لګښتونو کې د سپما لپاره یې یاد دفترونه تر یو چتر لاندې راټول کړي څو د دفترونو د کرایو، کارکوونکو د تنخواګانو او نورو لګښتونو کچه را ټیټه شي. بل لورته میرمن نادري وایي د ارګ د حرام سرای په خونو کې یې د لرغونو اثارو د ساتنې او ژغورنې لپاره دغه آثار د ملګروملتونو یا یونسکو په علمي، فرهنګي او روزنیزه څانګه، ملي موزیم، ملي ارشیف او د فیروز کوه په موسسه کې ثبت کړي.

Baztab News is a web based service to Aggregate news articles

د سید جمال الدین افغان دارالمعلمین د ښوونکو اعتراض

٨ ليندی -٦٢٣ کابل نیوز کابل نیوز

شنبه, 26 لړم اعتراض کوونکي پوهنتون ته د دارالمعلمین د ارتقا غوښتنه کوي د سید جمال الدین افغان دارالمعلمین لسګونه استادانو او محصلانو ددې نهاد د ارتقا غوښتنه وکړه. دغو اعتراض کوونکو د لوړو زده کړو وزارت دروازې مخې ته د کفن په اغوستلو سره پوهنتون ته د سیدجمال الدین افغان دارالمعلمین د ارتقا غوښتنه وکړه او وایي، چې له تېرو شپږو میاشتو یې چا غږ نه دی اوریدلی. دوی خبرداری ورکوي، چې که د دوی غوښتنې ونه منل شي خپلو اعتراضونو ته به دوام ورکړي. د سید جمال الدین افغان لسګونه استادانو او محصلانو د کفن په اغوستلو سره پوهنتون ته ددې دارالمعلمین د ارتقا غوښتنه کوي. دغه اعتراض کوونکي وايي، چې له تېرو شپږو میاشتو راهیسې پوهنتون ته د سید جمال الدین افغان دارالمعلمین د ارتقا غوښتنه کوي، خو تر اوسه یې چا غږ نه دی اوریدلی. په ورته مهال د کابل د سید جمال الدین افغان پوهنتون یوشمېر محصلان وایي، چې که د دوی غوښتنو ته رسیده ګي ونه شي خپلو اعتراضونو ته به ادامه ورکړي. د کابل د سید جمال الدین افغان دارالمعلمین ښوونکي او محصلان داسې مهال ددې نهاد د ارتقا غوښتنه کوي، چې دوه ورځې مخکې په همدې ځای کې د کابل پوهنتون محصلانو فزیکې او وسله والې نښتې وکړې، چې ددې ځای وضعیت یې د ساعتونو لپاره خراب کړی و.

د سولې لپاره د ټاکنو له ځنډولو د افغان سیاستوالو هرکلی

د سولې لپاره د ټاکنو له ځنډولو د افغان سیاستوالو هرکلی

٢٤ لړم ١٣٩٧ کابل نیوز کابل نیوز

پنجشنبه, 24 لړم که ټاکنې ځنډول کیږي او بیا مؤقته اداره جوړیږي ترې ملاتړ کوو د افغانستان یوشمېر سیاسي احزاب وایي، که ولسمشرۍ ټاکنې د سولې لپاره ځنډول کیږي دوی یې ملاتړ کوي. د وحدت اسلامي ګوند مشر محمد محقق او د جنبش ګوند غړي د وال سټریټ ژورنال ورځپاڼې وروستۍ لیکنې ته په اشارې، چې ښايي د سولې لپاره ولسمشرۍ ټاکنې وځنډیږي او یا لویه جرګه او موقته اداره رامنځته شي، وایي، که ټاکنې د سولې لپاره ځنډول کیږي او د سولې تر خبرو وروسته مؤقته اداره جوړیږي دوی ترې ملاتړ کوي. د افغانستان نوې ملي جبهه او د ملي پيوستون د نهضت مشر هم وایي، چې د سولې د خبرو لپاره که ټاکنې ځنډول کیږي دوی ترې هر کلی کوي، ځکه د سولې ټینګښت په صورت کې سراسري سولې ته زمینه برابریږي. خو د حزب اسلامي‌ مشر ګلبدین حکمتیار د ټاکنو له ځنډولو سره مخالفت ښيي او وایي، ټاکنې باید د اوسني حکومت په موجودیت کې ترسره شي او د مؤقتې ادارې جوړېدل حل لار نه ده. د سیاسي ګوندونو یوشمېر غړي او افغان سیاستوال د سولې خبرو اترو لپاره د ولسمشریزو ټاکنو د ځنډېدو هرکلی کوي. وال سټریټ ژورنال په خپله وروستۍ مقاله کې ویلي، چې امریکايي چارواکي د افغانستان د انتخاباتو له هرې پروسې وروسته د بې نظمیو او دوامدارو سیاسي جنجالونو د رامنځته کېدو له امله ویریږي، چې دا چاره به د زلمي خلیلزاد په مشرۍ د سولې روانې خبرې زیانمنې کړي او له همدې امله د ولسمشریزو ټاکنو د ځنډېدو امکان دی. د افغانستان د وحدت اسلامي ګوند مشر او د جنبش ګوند غړي وایي، د هرې هغې پروسې ملاتړ کوي، چې د افغانستان اکثریت خلک ورسره موافق وي، که هغه د سولې لپاره د ټاکنو ځنډول او تر ټاکنو وروسته د مؤقتې ادارې ایجاد هم وي. د افغانستان نوې ملي جبهه او د افغانستان ملي پیوستون نهضت وایي، چې دوی هم له هر هغه اقدام څخه هر کلی کوي، چې په افغانستان کې د دایمي سولې د ټينګښت سبب ګرځي. د ملي پیوستون نهضت وایي، د سولې خبرو تر بریالي کېدو وروسته به شفافو او سراسري ټاکنو ته زمینه برابره شي، چې دا د ټولو افغانانو غوښتنه ده. خو د افغانستان یوشمېر نور سیاستوال پر وخت د ولسمشرۍ ټاکنو د ترسره کېدو غوښتنه کوي او وایي، چې ټاکنې باید ونه ځنډول شي. د حزب اسلامي‌ مشر ګلبدین حکمتیار د ټاکنو له ځنډولو او د موقتې ادارې له رامنځته کېدو سره مخالفت ښيي او وایي، چې ټاکنې باید د اوسني حکومت په موجودیت کې ترسره شي . که څه هم ولسمشرۍ ماڼۍ او د ټاکنو خپلواک کمېسیون د ولسمشرۍ ټاکنو ځنډول رد کړي، خو په کور دننه د سولې ټینګښت لپاره د ټاکنو د ځنډېدو یا هم لویې جرګې او موقت حکومت رامنځته کېدو له مسئلې پراخ ملاتړ شوی.  

بهرنیو ځواکونو په ۲۰۱۸ کال کې تر ۵ زرو زیات بمونه غورځولي

بهرنیو ځواکونو په ۲۰۱۸ کال کې تر ۵ زرو زیات بمونه غورځولي

٢٤ لړم ١٣٩٧ کابل نیوز کابل نیوز

پنجشنبه, 24 لړم بهرنیو ځواکونو روان کال په افغانستان کې تر ټولو زیات هوايي بریدونه کړي دي. د فوربیس په نوم یوې مجلې د امریکا هوايي ځواکونو مرکزي قوماندانۍ د راپور پراساس ویلي، چې د امریکا په مشرۍ بهرنیو ځواکونو په ۲۰۱۸ کال کې ۵ زره او ۲۱۳ هوایي بریدونه کړي، چې دا شمېر د نورو کلونو په پرتله تر ټولو لوړ دی. په ورته مهال د ملګرو ملتونو د راپور له مخې په افغانستان کې د هوايي بریدونو د زیاتوالي له امله د ملکي مرګ ژوبلې شمېر هم لوړ شوی دی. د فوربیس په نوم یوې مجلې د امریکا د هوایي ځواکونو مرکزي قوماندانۍ د راپور پر اساس ویلي، چې په افغانستان کې د امریکا په مشرۍ د نړیوالو ځواکونو هوايي بریدونه په ۲۰۱۸ کال کې د تېرو کلونو په تر ټولو ډېر و. په دې راپور کې راغلي، چې امریکايي بې پیلوټ او جیټ الوتکو په افغانستان کې د روان کال د جنورۍ له لومړۍ تر سپټمبر میاشت پورې ۵ زره او ۲۱۳ هوایي حملې کړې دي. ددې راپور پر اساس په افغانستان کې د بهرنیو ځواکونو د حضور له پيل تردې مهاله د تېرو کلونو په پرتله هیڅ کله دومره هوایي بریدونه نه دي شوي دي. د فوربیس مجلې راپور (( د باراک اوباما د دورې په پای کې د امریکايي ځواکونو هوايي بریدونه کم شوي و، خو په ۲۰۱۵ کال کې ۹۴۷ هوايي بریدونه شوي، په ۲۰۱۶ کال کې ۳۳۷ هوايي حملې ثبت شوي، خو واک ته د امریکا نوي ولسمشر ډونالډ ټرمپ په رسیدو او د نوې تګلارې له اعلان سره هوايي بریدونه ډېر شوي، په داسې حال کې، چې په ۲۰۱۸ کال کې ۵ زره او ۲۱۳ هوايي بریدونه شوي.)) په ورته مهال د ملګرو ملتونو د راپور له مخې په افغانستان کې د بهرنیو ځواکونو د هوایي بریدونو زیاتوالي له امله د ملکي مرګ ژوبلې شمېر هم لوړ شوی دی او یوازې د روان کال په لومړنیو شپږو میاشتو کې ۶۹۲ ملکي وګړي وژل شوي او ۴۳۰ تنه نور ټپيان دي. دا په داسې حال کې ده، چې په دې وروستیو میاشتو کې هم افغان او بهرنیو ځواکونو د افغانستان په مختلفو ولایتونو کې پر ملکي سیمو هوايي بریدونه کړي، چې ګڼو ملکیاتو ته یې مرګ ژوبله اړولې ده.

که د جګړې مهارلپاره تجهیزات نه وي نو حکومت سقوط سره مخ دی

که د جګړې مهارلپاره تجهیزات نه وي نو حکومت سقوط سره مخ دی

٢٤ لړم ١٣٩٧ کابل نیوز کابل نیوز

پنجشنبه, 24 لړم د تجهیزاتو نشتوالي په تړاو د افغان امنیتي چارواکو وروستۍ څرګندونې د خلکو روحیه ځپي. د چارو شنونکي وايي، له متحده ایالاتو سره د امنیتي تړون په شته والي کې که امنیتي ځواکونه د جګړې د مهارولو لپاره کافي تجهیزات ونه لري، دغه وضعیت د سقوط پر لور د حرکت او یوه بد حالت ښکارندويي کوي. د ملي دفاع وزیر د چهارشنبې په ورځ د ولسي جرګې عمومي غونډې ته وویل، چې د روانې پیچلې جګړې د مهارولو لپاره کافي تجهیزات نه لري. د روانې جګړې د مهارولو لپاره د کافي تجهیزاتو د نشتوالي په تړاو د ملي دفاع وزیر وروستۍ څرګندونې له ګڼو غبرګونونو سره مخ شوي دي. د ملي دفاع وزیر د چهارشنبې په ورځ د ولسي جرګې عمومي غونډې ته وویل، چې روانه جګړه ډېره پيچلې ده او دوی نه شي کولی په موجوده امکاناتو دغه جګړه مهار کړي. د امنیتي ادارو مسئولانو دغه څرګندونې له ګڼو غبرګونو سره مخ شوي دی. د چارو شنونکي وایي، که حکومت د روانې جګړې د مهارولو لپاره کافي تجهیزات نه لري، نو حکومت د سقوط حالت سره مخ دی. په ورته مهال شنونکي او عام هیوادوال وایي، که امنیتي ادارې له وسله والو ډلو سره د جګړې لپاره تجهیزات نشي برابرولی نو له امریکا سره د امنیتی تړون موجودیت هم بې ګټې دی. له وسله والو مخالفانو سره د جګړې لپاره د لازمو تجهیزاتو د نشتوالي په تړاو اندېښنې داسې مهال دي، چې په دې وروستیو کې د امنیتي سرتیرو د تلفاتو کچه هم لوړه شوې، حتی تردې، چې خپله ولسمشر غني هم ویلي، چې په تېرو څلورو کلونو کې ۲۸ زره امنیتي سرتیري وژل شوي دي.

حکمیتار: حکومت په لوی لاس تیرې ټاکنې مهندسي کړې وې

حکمیتار: حکومت په لوی لاس تیرې ټاکنې مهندسي کړې وې

٢٤ لړم ١٣٩٧ کابل نیوز کابل نیوز

پنجشنبه, 24 لړم د حزب اسلامي مشر ګلبدین حکمتیار وايي، حکومت په لوی لاس د ولسي جرګې ټاکنې مهندسي کړې وې حکمیتیار وايي، چې د ولسي جرګې تیرې ټاکنې له پراخو درغلیو ډکې وې او حکومت له احزابو سره د یو بې طرفه هیت ژمنه کړې وه، چې تر دامهال نه دی ټاکل شوی. نوموړی وايي، چې په حکومت کې دننه ځیني کړۍ د جګړې لامل شوي او د خپلو شخصي ګټو پخاطر نه غواړي چې له وسله والوا ډلو سره سوله وشي او جګړه پای ته ورسیږي. د ولسي جرګې ټاکنې چې له پراخو درغلیو او ستونزو ډکې وې د سیاسي احزابو او ټاکنو څارونکو بنسټونو له بیا بیا غوښتنو سره سره یې د څیړلو په اړه افغان حکومت پلاوی نه دی ټاکلی. دلته د حزب اسلامي مشر پر حکومت نیوکه کوي، چې د ولسي جرګې تیري ټاکنې یې په سمه توګه مدیریت نه کړې او افغان حکومت د یادو ټاکنو په تړاو د هیت ټاکل، چې له سیاسیونو سره پرې ژمنه شوې وه نه ده پر ځای کړې. حکمیار وايي، چې د ولسي جرګې تیري ټاکنې د حکومت له لورې مهندسي شوې او په لوی لاس هڅه شوې چې یادې ټاکنې له درغلیو ډکې ترسره شي. حکمتیار وايي، چې د ولسي جرګې تیرې ټاکنې په پراخه توګه له درغلیو ډکې وې او که راتلونکې ولسمشریزې ټاکنې هم په یاد سیسټم ترسره شي له درغلیو به خالي نه وي. ګلبدین حکمتیار د سولې په پروسه کې افغان حکومت صادق نه بولي او وايي، چې په حکومت کې ځیني کړۍ د شخصي ګټو لپاره د جګړې دوام ته هڅې کوي چې یاده جاره د جګړې دوام لامل شوې. حکمتیار که څه هم د حزب اسلامي له لورې ولسمشریزو ټاکنو ته د نوماند وړاندې کول نه ردوي خو وايي، چې له جمعیت پرته به له ټولو ګوندو سره په مشروه واحد نوماند وړاندې کړي.

په کابل پوهنتون کې د محصلانو ترمنځ نښتې

په کابل پوهنتون کې د محصلانو ترمنځ نښتې

٢٤ لړم ١٣٩٧ کابل نیوز کابل نیوز

پنجشنبه, 24 لړم په دې نښتو کې یوشمېر محصلانو ته مرګ ژوبله هم اوښتې په کابل پوهنتون کې د محصلانو ترمنځ د نښتو له امله مرګ ژوبله رامنځ ته شوې. د کابل پوهنتون په انګړ کې د یوشمېر محصلانو ترمنځ نښته شوې، چې پکې د ۳ تنو د وژل کېدو او اتو تنو ټپي کېدو خبره کیږي. په ورته مهال ددې نښتو له امله میرویس میدان او کابل پوهنتون ته وتلې ټولې لارې بندې وې او خلک له ګڼو ستونزو سره مخ و. د کابل پوهنتون په لیلیه کې د  یو شمیر محصلینوتر منځ نښتې شوي او ۱۱ کسانو ته پکې مرګ ژوبله اړولې ده. دغه محصلین چې د کابل بیلابیلې لارې یې د اعتراض په توګه بندې کړي وايي، دا نښته د یوشمېر محصلانو ترمنځ په دننه پوهنتون کې د جومات پرسر رامنځ ته شوې ده. د کابل پوهنتون ځينې محصلین وايي چې دغو جګړو ته له پخوا تیار نیول شوی و . دغه محصلین وايي، چې په دغه نښته کې ۳ کسان وژل شوي او ۸ نور ټپیان شوي دي، چې په ټپیانو او وژل شوو کې د همدې پوهنتون محصلان، چې تر ډېره لیله محصلان و موجود دي. په دې اړه رسمي سرچینو تر دا دمه څه نه دي ویلي. دا نښتې په داسې حال کې رامنځته کیږي، څو کاله وړاندې د محصلینو تر منځ د نښتو له امله تقریبا یو میاشت د کابل پوهنتون تړل شوی و.

دین محمد: په افغانستان کې د جګړې دوام د هیوادونو رقابتونه دي

٨ ليندی -٦٢٣ کابل نیوز کابل نیوز

پنجشنبه, 24 لړم د سولې عالي شورا مرستیال وايي، په افغانستان کې د جګړې د دوام لامل د نړیوالو او سیمه ییزو هیوادونو رقابتونه دي. عزیز الله دین محمد، چې د سولې او پرمختګ اسلامي حزب په نوم د یوه نوي ګوند د پرانستې مراسمو ته وینا کوله وویل، چې اوس مهال د افغانستان جګړه د نړیوالو رقابتونو له امله ګرمه شوې او که یاد رقابتونه دوام وکړي جګړه به لا پسې اوږده شي. په ورته مهال د سولې او پر مختګ اسلامي حزب غړي وايي، چې ځیني کړۍ په لوی لاس هڅه کوي چې د سولې پروړاندې خنډونه ایجاد او د سولې لپاره ملي اجماع د رامنځ ته کېدو مخه ونیسي. له کلونو راهیسې په افغان جګړه کې د سیمي او نړۍ هیوادونو ښکیلتیا ددې لامل شوې، چې د جګړې پای ته رسیدو په ځای یاده جګړه ورځ تر بلې پراخه کړي. دلته د سولې عالي شورا مرستیال د سولې او پرمختګ په نوم د یوه نوي ګوند د پرانستې غونډه کې وايي، چې دا مهال د افغانستان په جګړه کې د سیمي او نړۍ هیوادونه په رقابت سره ښکیل دي او، څو چې یاد رقابتونه پای ته ونه رسیږي افغان جګړه به دوام ولري. نوموړی له نړیوالو او سیمه ییزو هیوادونو غواړي، چې په افغانستان کې خپل رقابتونه پای ته ورسوي. د سولې او پرمختګ حزب غړي وايي، چې ځیني کړۍ په لوی لاس هڅه کوي چې د سولې روانو هڅو مخنیوی وکړي او د روانو حالاتو حل لاره یوازې او یوازې بین الافغاني سوله ده. دوي وايي، چې د افغانستان روانه جګړه او تروریزم یوازي تر افغانانو نه ده محدود او د سیمي په ګډون د نړۍ هیوادونه هم د تروریزم په منځه وړلو کې مکلف دي. د سولې او پرمختګ اسلامي حزب غړي وايي، چې تر دا مهال د سولې ټینګښت په هدف ملي او سیمه ییزه اجماع نه ده رامنځ ته شوې د افغان سولې لپاره روانې هڅې باید لا چټکې شي.

داوړ په پاکستان کې وژل شوی او جسد یې دې غاړې ته انتقال شوی

٨ ليندی -٦٢٣ کابل نیوز کابل نیوز

پنجشنبه, 24 لړم د طاهر داوړ جسد د کوزې پښتونخوا قبايلي مشرانو ته وسپارل شو. د ختيځې سيمې او کوزې پښتونخوا مشرانو ننگرهار کې د يوې جوړې شوې غونډې پرمهال وويل چې طاهر داوړ په پاکستان کې وژل شوی او بيا يې جسد د مومندرې ولسوالۍ غوړکۍ سيمه کې د پاکستاني پوځ د پوستې په سل مترۍ کې موندل شوی دی. بل پلو ویل کیږي، چې د داوړ جسد د پي ټي ایم غړو د پاکستان پوځ ته نه دی سپارلی او اجازه یې نه ده ورکړې، چې پر جسد یې د پاکستان بیرغ واچوي. د پاکستاني پوليس افسر طاهر داوړ جسد، چې دوه ورځې وړاندې د ننګرهار مومندرې کې پيدا شوی و، د قومي مشرانو په منځګړتوب د کوزې پښتونخوا قبايلي مشرانو ته وسپارل شو. د ختيځې سيمې او کوزې پښتونخوا مشرانو ننگرهار کې د يوې جوړې شوې غونډې پرمهال وويل چې طاهر داوړ په پاکستان کې وژل شوی او بيا يې جسد د مومندرې ولسوالۍ غوړکۍ سيمه کې د پاکستاني پوځ د پوستې په سل مترۍ کې موندل شوی دی. د کوزې پښتونخوا سياسي او مدني فعالان وایي، چې طاهر داوړ د پاکستان حکومت له اسلام اباد اختطاف کړی، همالته یې وژلی او بيا په دې خاطر چې د لر او بر پښتنو ترمنځ بې اتفاقي رامنځته کړي، جسد يې ننګرهار کې غورځولی دی. په ورته مهال د شمالي وزيرستان قومي مشران د پاکستان حکومت ته غوتڅنډنه کوي، که غواړي د ډيورنډ کرښه همداسې ثابته پاتې شي؛ نو د پښتنو له بې ګناه وژلو دې لاس واخلي. په ولسي جرګه کې د ننګرهار استازي وایي، د طاهر داوړ جسد  د موندرې ولسوالۍ د غوړکي سيمه کې د پاکستان پوځ له پوستې سره په څو مترۍ کې موندل شوی، خو دا چې چېرته وژل شوی، معلومات يې نه درلودل. د ننګرهار والي هم وايي، جسد د قومي خلکو له لورې د عدلي تعقب او څېړنو لپاره راوړی و او اوس يې بېرته د قوم خلکو ته سپاري.   طاهر داوړ چې د پاکستان په پوليسو کې يې د افسر دنده ترسره کوله او دغلته د پښتون ژغورنې غورځنګ ملاتړی و، شاوخوا دوه اوونۍ وړاندې د پاکستان پلازمېنې اسلام اباد څخه نا درکه شوی و او درې ورځې وړاندې يې ننګرهار کې جسد وموندل شو. بل پلو ویل کیږي، چې د داوړ جسد د پي ټي ایم غړو د پاکستان پوځ ته نه دی سپارلی او اجازه یې نه ده ورکړې، چې پر جسد یې د پاکستان بیرغ واچوي.

ابدالي: ولسمشر له خلکو سره په کړو ژمنو کې پاتې راغلی

ابدالي: ولسمشر له خلکو سره په کړو ژمنو کې پاتې راغلی

٢٣ لړم ١٣٩٧ کابل نیوز کابل نیوز

چهارشنبه, 23 لړم په هند کې د افغانستان پخوانی سفیر شیدا محمد ابدالي وایي، ولسمشر غني له خلکو سره د ژمنو عملي کولو پرځای هیواد له بحران سره مخ کړی. ابدالي په یوه مرکه کې ویلي، چې که افغانستان د سیمې هیوادونو د تقابل پر ډګر له بدلېدو ونه ژغورل شي نه یوازې افغانستان بلکې ښکېل هیوادونه به هم سخت زیان وویني. شیدا محمد ابدالي وایي، په راتلونکي حکومت کې د اجراییه ریاست د برخلیک او د ولسمشر د دریو مرستیالانو د انتخاب لپاره باید لویه جرګه راوبلل شي. شیدا محمد ابدالي چې د ولسمشر محمد اشرف غني له حکومت سره یې څلور کاله کار کړی وایي،اشرف غني له خلکو سره د کړو ژمنو په عملي کېدو کې پاتې راغلی دی. په هند کې د افغانستان پخوانی سفیر او د ولسمشریزو ټاکنو احتمالي نوماند وایي، د سولې ټینګښت ، اقتصادي وصعیت کې بدلون او د امنیتي وضعیت سمون د ولسمشر غني اساسي ژمنې، خو په وینایې په تیرو څلورو کلونو کې د عملي کېدو پرځای هیواد له بحران سره مخ شوی دی. شیدا محمد ابدالي وایي، افغانستان باید د ګاونډيو او سیمې هیوادونو سره متوازن سیاست پرمخ یوسي، خو خبرداری ورکوي چې که هیواد د سیمې او نړۍ هیوادونو له تقابل څخه لرې ونه ساتل شي،نو نه یوازې افغانستان بلکې ښکېل هیوادونه به هم سخت زیان وویني. ابدالي وایي، د کندهار له قومي مشرانو سره تر مشورو وروسته کابل ته راغلی او هڅه کوي د راتلونکو ولسمشریزو ټاکنو لپاره داسې یو انتخاباتي ټکټ رامنځ ته کړي چې هیواد له روان کړکیچ څخه وژغورلای شي. شیدا محمد ابدالي د یوشمېر سیاسي احزابو له لوري د ولسمشر لپاره د دریو مرستیالانو وړاندیز د اساسي قانون له تغیر پرته غیر عملي بولي او وایي په راتلونکي حکومت کې د اجراییه ریاست برخلیک او د دریو مرستیالانو پریکړه باید لویه جرګه وکړي. شیدا ابدالي، په سیمه کې هند د افغانستان ښه ګاونډی بولي،خو وایي حکومت باید له ټولو هیوادونو سره په سیاست کې توازن ته جدي پام وکړي.    

حامد کرزي د قزاقستان له ولسمشر سره پر دوه اړخيزو اړيکو خبرې وکړې

حامد کرزي د قزاقستان له ولسمشر سره پر دوه اړخيزو اړيکو خبرې وکړې

٢٣ لړم ١٣٩٧ کابل نیوز کابل نیوز

چهارشنبه, 23 لړم د افغانستان پخواني جمهور رئیس حامد کرزي په قزاقستان کې د Astana Club څلورمې نړیوالې غونډې په دوو بېلابېلو جلسو کې وینا وکړه. په هغې ناسته کې، چې د قزاقستان ولسمشر نورسلطان نظربایف په مشرۍ تر سره شوه، حامد کرزي له افغانستان سره د قزاقستان له مرستو او په ځانګړې توګه افغان محصلینو ته د اسکالرشیپونو له برابرولو مننه وکړه او هیله یې څرګنده کړه چې دغه سلسله د پخوا په شان دوام ومومي. پخواني جمهور رئیس همداراز د سولې لپاره د امریکا د متحده ایالاتو د وروستیو هڅو هرکلی وکړ او د مسکو په کنفرانس کې یې د سولې عالي شورای او د طالبانو تحریک د استازو اشتراک یو نېک اقدام وباله هیله یې څرګنده کړه چې دغه دواړه هڅې سره همکارې شي.

ډپلوماټ: ایران په افغانستان کې د امریکا خلاف کنټرول وړ جګړه پرمخ وړي

ډپلوماټ: ایران په افغانستان کې د امریکا خلاف کنټرول وړ جګړه پرمخ وړي

٢٣ لړم ١٣٩٧ کابل نیوز کابل نیوز

چهارشنبه, 23 لړم ایران په افغانستان کې د امریکا پرضد یوه کنټرول وړ جګړه پرمخ وړي. امریکايي چارواکي وايي، تهران په افغانستان کې ګډوډۍ ته د لمن وهلو له لارې د متحده ایالاتو امنیت زیانمنوي. د امریکا د ویلسن مرکز د اسیا د چارو رییس ډپلوماټ مجلې ته ویلي، چې له برجام نه د امریکا د وتلو او پر تهران د واشنګټن د وروستیو بندیزونو په مقابل کې د طالبانو ملاتړ د ایران لپاره مهم دی. طالبانو د لومړي ځل لپاره د افغانستان شیعه میشتې سیمې تر خپلو بریدونو لاندې راوستې دي. پر ایران د متحده ایالاتو له بندیزونو وروسته، په افغانستان کې د واشنګتن او تهران ترمنځ د مقابلې او شخړو امکانات ورځ تر بلې ډېریږي. طالبانو په وروستیو ورځو کې د فراه په شاوخوا کې ګڼ بریدونه کړي او د کمال خان بند ۱۲ تنه ساتونکي یې وژلي دي. ډپلوماټ مجله په خپل یوه تحلیل کې وايي، ایران سره له دې، چې له طالبانو خطر هم احساسوي، د امریکا اهدافو ته د زیان رسولو په خاطر د دې ډلې د ملاتړ له لارې په افغانستان کې یوه کنټرول وړ جګړه پرمخ وړي. د ویلسن مرکز د اسیا د چارو رییس مایکل کوګلمن ډپلوماټ ته ویلي، چې پر تهران د واشنګټن د وروستیو بندیزونو او له برجام نه د امریکا د وتلو په مقابل کې د طالبانو ملاتړ اغیزناکه لاره ده، ځکه دا په افغانستان کې د امریکا دریځ او ګټو ته زیان رسوي. ډپلوماټ د ایران دغه پالیسي په یمن کې د حوثیانو له پالیسۍ سره مقایسه کړې او وايي، سره له دې، چې تهران ظاهرا د حوثیانو مخالفت کوي او له دې ډلې ګټه نه ور رسیږي، خو حوثي ملېشې په ایراني وسلو جګړه کوي او په یمن کې یې د ایران او سعودي عربستان د ګټو پر وړاندې ستونزې جوړې کړې دي. ډپلوماټ وايي، امریکا په دوو اړخونو کې یو خوا پر ایران بندیزونه لګوي، خو بل خوا ایراني چارواکي په افغانستان کې سولې او له افغان حکومت سره همکاریو ته هڅوي، ځکه امریکایان په دې باور دي، چې ایران د افغانستان په مرکز او ځینو نورو سیمو کې له شیعه افغانانو سره نږدې اړیکې لري او افغانستان له ایران نه ګڼ توکي واردوي. امریکا پر ایران د نویو بندیزونو په برخه کې چابهار بندر او له ایران نه افغانستان ته د نفتي توکو واردات مستثنی کړي دي. په افغانستان کې د ایران د مدیریتي یا کنټرول وړ جګړې په اړه دغه تحلیلونه داسې مهال دي، چې وسله والو طالبانو پر تهران د متحده ایالاتو له بندیزونو وروسته د لومړي ځل لپاره د افغانستان شیعه میشتې سیمې د خپلو بریدونو هدف ګرځولې دي.