بازتاب نیوز

د افغانستان د فوټسال له ۱۹ کلونو کم عمره نجونو لوبډله قرغزستان سره لوبه کوي

د افغانستان د فوټسال له ۱۹ کلونو کم عمره نجونو لوبډله قرغزستان سره لوبه کوي

١١ ساعتونه دازادې اروپا راډیو دازادې اروپا راډیو

د افغانستان د فوټبال فدراسیون وايي، د افغانستان د فوټسال له نولس کلونو کم عمره نجونو لوبډله به په اسیايي سیالیو کې لومړنۍ لوبه د جمعې په ورځ له قرغزستان سره ترسره کړي. د افغانستان د فوټبال فدراسیون د خپرونو مرستیال شمس امیني نن ازادي راډيو ته وویل چې د فوټسال دغه لوبه به د تاجکستان په مرکز د دوشنبې په ښار کې پیل شي. نوموړي وویل، په یادو لوبو کې د افغانستان، قرغزستان ایران، تاجکستان، ترکمنستان او ازبکستان لوبډلې ګډون وکړي. د فوټسال دغه اسیايي لوبې د جنورۍ په ۲۴ مه پیل او تر ۲۹ مې دوام کوي.

په هرات ولایت کې د ښځو په اړه لوحو غبرګونونه راپارولي

په هرات ولایت کې د ښځو په اړه لوحو غبرګونونه راپارولي

٢٦ مرغومی ١٣٩٨ دازادې اروپا راډیو دازادې اروپا راډیو

په هرات ولایت کې پر یو شمېر لوحو لیکل شوي پيغامونو غبرګونونه راپارولي دي. پر دغو لوحو لیکلي: د ښځو بد حجابي د نارینه وو د بې غیرتۍ له کبله ده. د هرات د مدني فعالانو په باور په هرات ښار کې د لوحو د نصبولو تر شا هدف د اندېښنې وړ دی. راپور او اډيټ: ملالۍ بشير ويډیوګرافي: شاهپور صابر

ازادي ستوډیو - د نړۍ مهم خبرونه

ازادي ستوډیو - د نړۍ مهم خبرونه

٢٥ مرغومی ١٣٩٨ دازادې اروپا راډیو دازادې اروپا راډیو

افغان حکومت د ملکي تلفاتو په اړه د بشري حقونو د څار نړیوالې ادارې راپور رد کړی دی. د ایران ولسمشر د خپل هیواد له وسله والو ځواکونو غوښتي چې تېره اوونۍ د اوکرايني الوتکې د ویشتلو په اړه دې بخښنه وغواړي. دا او نور مهم خبرونه له ازادي ستوډیو.

د ټاکنو کمېسیون پخوانیو کمېشنرانو محاکمه کابل کې پیل شوه

د ټاکنو کمېسیون پخوانیو کمېشنرانو محاکمه کابل کې پیل شوه

٢٥ مرغومی ١٣٩٨ دازادې اروپا راډیو دازادې اروپا راډیو

په افغانستان کې د انتخاباتي کمېسونونو مخکنیو ۹ غړو محاکمه نن د جنورۍ ۱۴مه، په کابل کې پیل شوه. هغوی په افغانستان کې له اداري فساد او لویو جرمونو سره د مبارزې د عدلي او قضایي مرکز کې د استیناف محکمې، محاکمه کول. عبدالعزیز اریایي، عبدالبصیر فایز، حمیرا حقمل، ګلاجان عبدالبدیع صیاد، معاذالله دولتي، رفیع الله بیدار، عبدالقادر قریشي، سید حفیظ الله هاشمي، ملیحه حسن او وسیمه بادغیسي تېرکال په افغانستان کې د ولسي جرګې د ټاکنو د پایلو د ثبت د فورمو د بدلولو په تور محاکمه کېږي. لومړۍ محکمې پرهغوي د نهه کاله بند حکم کړی و. خو مدافع وکیلانو پرهغوي لګېدلي تورونه سیاسي وبلل. له دې امله د استیناف د محکمې مشرې، انیسه رسولي پرېکړه سبا ته وځنډوله.

آزادي ستوډیو- د نړۍ مهم خبرونه

آزادي ستوډیو- د نړۍ مهم خبرونه

٢٣ مرغومی ١٣٩٨ دازادې اروپا راډیو دازادې اروپا راډیو

د پاکستان د پوځ د ویاند ټويټ ته د پښتون ژغورنې غورځنګ د یوه مشر محسن داوړ غبرګون، په ایران کې پر لاریون کوونکو د پولیسو ډزې، په فلپین کې د اتشفشان غره فعالېدل، د لیبیا د سولې خبرې او د تبت نوی کال له ازادي ستوډیو.

نن د ولسمشرۍ انتخاباتو د شکایتونو ارزولو وروستۍ ورځ ده

نن د ولسمشرۍ انتخاباتو د شکایتونو ارزولو وروستۍ ورځ ده

٢٢ مرغومی ١٣٩٨ دازادې اروپا راډیو دازادې اروپا راډیو

نن دوشنبه د افغانستان د ولسمشریزو ټاکنو د لومړنیو پایلو په اړه د شکایتونو د ارزولو وروستی ورځ ده. د افغانستان د انتخاباتي شکایتونو کمیسیون هم ویلي چې د ورځې تر پایه به په ټولو ولایتونو کې د شکایتونو د رسیدګۍ او پرېکړې پروسه بشپړه کړي. د دغه کمېسیون یوه کمېشنر سیدقطب الدین رویدار ازادي راډیو ته وویل چې له ننګرهار، کابل، کندهار، خوست، پکتیا او هلمند پرته په ټولو ولایتونو کې ټاکنیزو شکایتونو رسیدګي او پرېکړې شوې دي. هغه وویل د ورځې تر پایه د همدغو شپږو ولایتونو په اړه هم پرېکړې کیږي. د ټاکنیزو شکایتونو کمیسیون مخکې اعلان کړی و چې د جمهوري ریاست د انتخاباتو د لومړنیو پایلو په اړه ټاکنیزو ډلو له دوی سره څه باندې شپاړس زره شکایتونه ثبت کړي و.