بازتاب نیوز

دیني عالمانو د حکومت لخوا د اوربند له غزولو څخه ملاتړ وکړ

دیني عالمانو د حکومت لخوا د اوربند له غزولو څخه ملاتړ وکړ

٣٠ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: څه باندې سلو تنو دیني عالمانو د چهارشنبې په ورځ د حکومت د اطلاعاتو او رسنیو په مرکز کې د یوه خبري کنفرانس پر مهال د حکومت لخوا د طالبانو پر وړاندې د لس ورځني اوربند له غزولو څخه ملاتړ وکړ.دغه راز هغوی له طالبانو څخه هم د اوربند د غزولو غوښتنه وکړه ترڅو د سولې خبرو اترو پر وړاندې شته خنډونه له منځه لاړ شي، د بې ګناه افغانانو د وینې تویولو څخه مخنیوی وشي او په هیواد کې د تلپاتې سولې د رامنځته کېدو لامل وګرځي. د طالبانو لخوا یوازې د اختر په درېو ورځو کې اوربند رعایت شوی او د غزولو هڅه یې نده کړې.دیني عالمانو دې ټکي ته د ټینګار تر څنګ، چې سوله د ټولنې اساسي اړیتا ده او اوس مهال د افغانستان خلک تر هر بل وخت سولې ته ډېر تږي دي، له اسلامي هیوادونو څخه غوښتنه وکړه، چې د افغانستان له حکومت سره د سولې په بهیر کې مرسته وکړي.کابو ۲۰ ورځې وړاندې د افغانستان د علماوو سرتاسري شورا د لویې جرګې د خیمې په تالار کې د زرګونو دیني عالمانو په یوه ستره غونډه کې د یوې تاریخي فتوا په ورکولو سره ځانمرګي بریدونه او چاودنې ناروا وبللې او په یاده غونده کې یې له حکومت او طالبانو څخه د اوربند غوښتنه وکړه، چې له امله یې په هیواد کې د سولې د ټینګښت لپاره زمینه برابره شي.د افغانستان د اسلامي جمهوریت جمهور رییس د اوربند په اړه د علماوو غوښتنې ته په ځواب کې د روژې له ۲۷مې څخه د نېکمرغه کوچنې اختر تر ۵مې پورې د طالبانو پر وړاندې اوربند اعلان کړ او اوس مهال یې هغه د لسو نورو ورځو لپاره هم تمدید کړی دی.###

امنیتي ځواکونه په ټول هیواد کې د اختر ورځو د امنیت د ټینګښت لپاره د تیارسۍ په حال کې دي

امنیتي ځواکونه په ټول هیواد کې د اختر ورځو د امنیت د ټینګښت لپاره د تیارسۍ په حال کې دي

٢٣ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: کورنیو چارو وزارت په ټول هیواد کې امنیتي ځواکونو ته لارښوونه کړې، ترڅو هغه سیمې تر کلک امنیتي پوښښ لاندې راولي، چې د اختر ورځو کې تګ راټګ پرې کېږي. د کورنیو چارو وزارت ویاند، نجیب دانش، چې د چهارشنبې په ورځ د روان کال د غبرګولي په ۲۳مه نېټه یې د حکومت د اطلاعاتو او رسنیو په مرکز کې یوه خبري کنفرانس ته د اختر ورځو د امنیتي تدابیرو په اړه وینا کوله، زیاته کړه:" عیدګاوې، جوماتونه، لویې لارې او تفریحي مرکزونه به تر هر بل ځایه د اختر ورځو کې تر کلک امنیتي پوښښ لاندې وي او د امنیتي پلان له مخې امنیتي ځواکونو ته د احضاراتو او له خلکو سره د مرستې امر شوی دی"دانش له امنیتي ځواکونو سره د هیودوالو د همکارۍ د ټینګار ترڅنګ له کورنیو څخه وغوښتل چې خپلو ماشومانو ته د پټاقیو او اور ورکوونکو موادو د کارونې اجازه ور نکړي.کورنیو چارو وزارت تېره ورځ په یوه رسمي اطلاعیه کې امنیتي ځواکونو ته لارښوونه کړې، چې د پټاقیو او اور ورکوونکو توکو د پیر او پلور مخنیوی وکړي او دغه ډول توکي له دکانونو څخه راټول کړي.د کورنیو چارو وزارت ویاند وویل، که څه هم د ځانګړو سیمو لکه تفریحي مرکزونو لپاره ځانګړي امنیتي تدابیر په پام کې نیول شوي خو بیا هم هیوادوال کولی شي چې د شکمنو کړنو د لیدو پر مهال په ټول هیواد کې له ۱۰۰ او ۱۱۹ شمېرو او په کابل کې په ۲۱۰۰۴۰۰ شمېرې له امنیتي ځواکونو سره په اړیکه کې شي.دانش زیاته کړه، چې د ولسمشر د لارښوونې پر اساس اوس مهال امنیتي ځواکونه له طالبانو سره د اوربند رعایتولو ته ژمن دي خو د طالبانو د سرغړونې په صورت کې هر ډول دفاع ته چمتوالی لري.###

بادغیس کې د کابو ۶ میلیونه افغانیو په ارزښت د اوبو یوه زېرمه جوړیږي

بادغیس کې د کابو ۶ میلیونه افغانیو په ارزښت د اوبو یوه زېرمه جوړیږي

٢٢ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

د کرنې، اوبولګولو او مالدارۍ وزارت له خوا په بادغیس ولایت کې د اوبو د یوې لویې زېرمې د جوړولو چارې پیل شوې. د دې زېرمې د جوړولو د بنسټ ډبره د دې ولایت د سیمه ییزو چارواکو له خوا کېښودل شوه.د دغې زېرمې د جوړولو ټولیز لګښت پنځه میلیونه او ۶۰۸ افغانۍ ده چې، د کرنې وزارت له پراختیایي بودیجې څخه ورکول کیږي.په هغه غونډه کې چې، د دې زېرمې د د بنسټ اېښودلو په موخه د بادغیس ولایت مرکز اړوند په باغک سیمه کې جوړه شوې وه د بادغیس والي عبدالغفور ملکزی، د کرنې، اوبولګولو او مالدارۍ رییس انجنیر عبدالعزیز حلیم یار، د دولتي ادارو یوشمېر رییسانو او قومي مشرانو شتون درلود.په غونډه کې د باغیس والي له خلکو وغوښتل چې، له دولت سره همکاري وکړي او ددې ډول پروژو له پلي کولو څخه دې ملاتړ وکړي.په پام کې ده چې، د دې پروژې چارې د یوه کال په موده کې بشپړ او ګټې اخیستنې ته به وسپارل شي.باید وویل شي چې، د اوبو یاده زېرمه د موسمې بارانونو او واورو د ۷ زره مترمکعب اوبو د زېرمه کولو وړتیا لري.د دې زېرمې اوبه به د کرنیزو ځمکو د خړوبولو په پار وکارول شي.

لوګر کې د څه باندې ۱۵ میلیونه افغانیو په ارزښت د اوبولګولو درې شبکې ګټې اخیستنې ته وسپارل شوې

لوګر کې د څه باندې ۱۵ میلیونه افغانیو په ارزښت د اوبولګولو درې شبکې ګټې اخیستنې ته وسپارل شوې

٢٢ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

د کرنې، اوبولګولو او مالدارۍ وزارت، د بزګرانو د حاصلاتو د لوړولو او د اوبو له ضایعاتو څخه د مخنیوي په پار د لوګر ولایت په محمدآغې ولسوالۍ کې د اوبولګولو د درېوو شبکو چارې بشپړ او ګټې اخیستنې ته وسپارل شوې.په هغه غونډه کې چې، د دغو شبکو د ګټې اخیستنې په موخه جوړه شوې وه د لوګر د کرنې رییس انجنیر محمد دین مومند، د محمدآغې ولسوال نورمحمد عبیدي، د ولایتي شورا غړیو هریو الحاج سید قریب الله سادات او محب الله صالح، د خلکو په ګډون د کرنې او مالدارۍ پروژې ولایتي مسوول انجنیر نوراحمد مسعود او قومي مشرانو ګډون درلود.د اوبولګولو د دغو شبکو په هکله د لوګر د کرنې رییس انجنیر محمد دی مومند وویل چې، د اوبولګولو دغه شبکې د کرنې وزارت د خلکو په ګډون د کرنې او مالدارۍ پروژې له خوا د ۱۵ میلیونه، ۲۱۵ زره او ۷۲۹ افغانیو په لګښت جوړې شوي دي.ښاغلی مومند وویل: «د اوبولګولو د غه شبکې د محمدآغې ولسوالۍ اړوند په «زاهدآباد، باغ ستارپس پل او نیم دها» سیمو کې جوړې شوي چې، دیادو شبکو ټولیز اوږدوالی څلور زره او ۷۹۰ متره ده.»ښاغلي مومند زیاته کړه چې، د اوبولګولو د دغو شبکو په مسیر کې ۲۴ دانې اشترنګي دروازې او ۷۳ وسپنیزې لاسي دروازې هم جوړې شوي دي.د اوبولګولو له دغو شبکو څخه ۲۲ زره او ۳۲۸ تنه په مستقیم او غیر مستقیمه توګه ګټه پورته کوي او یوزر او ۱۵۵ جریبه ځمکه یې د خوړبولو تر پوښښ لاندې دي.د اوبو له ضایعاتو څخه ۲۰ سلنه مخنیوی او ترڅنګ یې د بزګرانو په کرنیزو حاصلاتو کې لوړوالی د یادو شبکو له نورو ګټو څخه شمېرل کیږي.#دکرنې_اوبولګولو_او_مالدارۍ_وزارت

د کورنیو چارو وزیر ویس احمد برمک تیره ورځ د کابل د امنیتي وضعیت د ارزولو په موخه د کابل پولیسو د امنیتي حوزو او چک پانټونو نه لیدنه وکړه

د کورنیو چارو وزیر ویس احمد برمک تیره ورځ د کابل د امنیتي وضعیت د ارزولو په موخه د کابل پولیسو د امنیتي حوزو او چک پانټونو نه لیدنه وکړه

٢٠ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل – دکورنیوچارو وزارت (یکشنبه 20 جوزا ): د کورنیو چارو وزیر تیره ورځ د کابل امنیتي وضعیت ارزولو په موخه د کابل پولیسو پر حوزو سر بیره د سیارو چک پایټونو څخه هم لیدنه وکړه.د کورنیو چارو وزیر د ټانک لوګر له پوستې چې څو موده وړاندې پکې چاودنه شوې هم لیدنه وکړه او اړوندو مسوولینو ته یې د امنیت په لا ټينګښت کې لازم هدایات ورکړل.دغه راز د کورنیو چارو وزیر ویس احمد برمک، د پولیسو د اتمې امنیتي حوزې څخه د لیدنې په ترڅ کې د استحکاماتو تر څنګ د حوزې مسوولینو ته د امنیتي ستونزو د حل په موخه لازمې سپارښتنې وکړې.د کورنیو چارو وزیر د ښار په بیلابیلو برخو کې د سیارو پوستو د لیدو پر مهال ټولو مسوولینو ته په جدي توګه دنده وسپارله چې تورې ښیښې موټرونه، هغه د مرمئ ضد موټر چې قانوني اسناد نلري او هغه وسایط چې په بې قانونه توګه په ښار کې ځي او راځي، ودروي او قانوني چلند ورسره وکړي.د کورنیو چارو وزیر له ټولو هغه کسانو چې دې زرهي وسایطو څخه ګټه پورته کوي، وغوښتل چې ژر تر ژره دې خپل موټر د کورنیو چارو وزارت د ترهګرئ سره د مبارزې په لوی ریاست کې ثبت او د یادو موټرو د تګ او راتګ قانوني سندونه دې تر لاسه کړي.د کورنیو چارو وزیر د کابل پولیسو ټولو مسوولینو ته دنده وسپارله چې خپلې دندې په پوره میړانه او ایماندارئ سره تر سره کړي او د دندې د اجرا پر مهال خپلو وظیفوي مسوولیتونو ته خورا پاملرنه وکړي.په پای کې د کورنیو چارو وزیر ویس احمد برمک د جمعې لمونځ د کابل ښار په یوه جومات کې د خپلو هیوادوالو سره یو ځای ادا کړ.

دیني عالمانو او ځوانانو د دولت او طالبانو د اوربند له اعلان څخه هرکلی وکړ

دیني عالمانو او ځوانانو د دولت او طالبانو د اوربند له اعلان څخه هرکلی وکړ

٢٠ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: ګڼ شمېر دیني عالمانو او ځوانانو د یکشنبې په ورځ د روان کال د غبرګولي په ۲۰مه نېټه د حکومت د اطلاعاتو او رسنیو په مرکز کې د یوې ګډې خبري ناستې پر مهال د دولت او طالبانو د اوربند له اعلان څخه د تود هرکلی تر څنګ، سوله د خلکو او ټولنې اساسي اړتیا وبلله او له دواړو لورو څخه یې د تلپاتې سولې د رامنځته کېدو غوښتنه وکړه.په همدې حال کې د اطلاعاتو او فرهنګ وزارت د ځوانانو چارو مرستیال، ډاکټر کمال سادات له ځوانانو څخه غوښتنه وکړه، چې له ممکنه لارو څخه د طالبانو په لیکو کې له موجودو ځوانانو سره د اوربند د اهمیت او سولې د ټینګښت په اړه خبرې وکړي او هغوی د اوربند د مودې غزولو او د سولې ټینکېدو ته قانع کړي.د سولې عالي شورا مرستیال، ډاکټر امین الدین مظفري دې ټکي ته په ټینګار سره چې د سولې ټینګښت د بشري ټولنې اصلي حالت دی، وویل:" دغه شورا د افغانستان د اسلامي جمهوریت د رهبرۍ، په ځانګړې توګه د ولسمشر له ابتکاره، چې د روژې له ۲۷مې نه د نېکمرغه کوچني اختر تر ۵مې نېټې پورې یې له طالبانو سره اوربند اعلان کړ او دغه راز د افغاني طالبانو له ابتکاره، چې د نېکمرغه کوچني اختر درې ورځو کې یې اوربند اعلان کړ، تود هرکلی کوي."نوموړي وویل، د دواړو لوریو ترمنځ د شوي اوربند اساسي ځانګړنه شعایرالله ته درناوی دی. ځکه چې د روژې مبارکې میاشتې په وروستۍ لسیزه او د نېکمرغه کوچني اختر په ورځو کې پلی کېږي. مظفري دغه راز وویل، چې یاد اوربند د هیواد د علماوو د غوښتنې پر اساس رامنځته شوی او د علماوو د غوښتنې منل هم د شعایرالله درناوی بلل کېږي.###

کونړ کې د طبیعي پېښو زیانمنو،بې سرپرستو او راستانه شویو (۱۱۶) کورنیو سره نقدي او دخوراکي توکیو مرسته وشوه

کونړ کې د طبیعي پېښو زیانمنو،بې سرپرستو او راستانه شویو (۱۱۶) کورنیو سره نقدي او دخوراکي توکیو مرسته وشوه

١٥ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کونر(سه شنبه، د غبرګولي 15مه): پرون، دپېښو پروړاندې د چمتووالي ادارې لوري (۶۰) کورنیو سره ددرې قلمه خوراکي توکیو او(ای او ایم ) ادارې له لوري د (۵۶) راستانه شویو کورنیو سره(۱٫۰۰۸٫۱۶۰) افغانیو نقدي مرسته وشوه ،چې نن د یولړ مراسیمو په ترڅ کې د مرستیال والي ګل محمد بیدار،د پېښو پروړاندې د چمتووالي ادارې رییس،ولایتي شورا غړې مریم ساپۍ او د (ای او ایم ) استازو په لاسونو د راستانه شویو کورنیو هر فامیل ته (۷۱۱۰) افغانۍ او د طبعي پېښو زیانمنو او بې سرپرستو (۶۰) کورنیو هر فامیل ته پنځوس کیلو وریجه، پنځه لیتره غوړي او پنځه کیلو دال ورکړل شول. مرستیال والي د پېښو پر وړاندې د چمتووالي ادارې او ای او ایم موسسې له استازو مننه وکړه،چې د روژې په دغه مبارکه میاشت کې د بې سرپرستو،طبعي پېښو زیانمنو او راستانه شویو کورنیو سره مرستې ترسره کړې .

د ننګرهار د کرنې ریاست پر غنمو کرنیزې څېړنې پیلوي

د ننګرهار د کرنې ریاست پر غنمو کرنیزې څېړنې پیلوي

١٣ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

ننګرهار -  د کرنې، اوبولګولو او مالدارۍ وزارت ( یک شنبه ۱۳ غبرګولى) : د ننګرهار د کرنې، اوبولګولو او مالدارۍ ریاست چارواکي وایي چې، یاد ریاست د ننګرهار د کرنې پوهنځی په ګډه همکاری، چې په کې د دواړو ادارو استادان او څېړن پوهان شامل دي د غنمو د کمیت او کیفیت د لوړاوي په موخه ګډه څېړنه پیلوي.د کرنې، اوبولګولو او مالدارۍ وزارت دغله جاتو د څېړنو او نوښتونو ( GRAIN- Grain Reseach & Innovation) د پروژې له لارې چې، د « USAID» ادارې له لورې تمویلیږي د څلورو کلونو لپاره دننګرهار سربېره د کابل، هرات او بلخ په ولایاتو کې کار پیلوي تر څو وکولای شي چې، دبشري استعدادونو او اداري ظرفیتونو دپیاوړتیا له لارې په افغانستان کې دغنمو څېړنو ته وده ورکړي چې، له امله به یي دغنمو د کیفیت او دحاصلاتو کچه لوړه شي.د یادې پروژې دښه تطبیق له پاره دننګرهار پوهنتون دکرنې پوهنځی دغونډو په تالار کې یو ورځنۍ ورکشاپ په لاره واچول شوه، چې دیاد پوهنځی د رییس سربېره، استادانو، د کرنې رییس، دیاد ریاست یو شمېر آمرینو، څیړنپوهانواو دیو شمېر پروژو او برنامو مسؤلینو اواستازو په کې ګډون کړي وو.په دې ورکشاپ کې د ننګرهار د کرنې پوهنځی رییس پوهنوال سیداجان عتیق عبدیاني د یادې پروژې دپیل په اړه خوښي څرګنده کړه، او ویې ویل چې، دواړه ادارې به د خپلو ګډو سرچینو څخه په ګټه اخیستو د څېړنو دښه پلي کېدو په موخه نه ستړېدونکي هلې ځلې وکړي. د ننګرهار دکرنې رییس پوهنمل رفیع الله رحیمزي هم په خپلو خبرو کې د« GRAIN» پروژې پر موخو او فعالیتونو هراړخیزه رڼا واچوله. رحیمزي وویل؛ یاده پروژه غواړي چې، د کرنې پوهنځی هر هغه استاد ته چې، پرغنمو کرنیزې څیړنې ترسره کړي د زر ډالرو څخه نیولې تر ۱۰ زره امریکایي ډالرو «Grants» یا بلاعوضه مالي مرسته ورکړي هغه وویل که چیرې ښه څیړنیزه پروژه ډیزاین کړي تر ۲۵ زره امریکایي ډالرو پورې به هم ګرانټ ورکړل شي.دیادونې وړ ده، چې د « GRAIN » پروژه سږکال غواړي چې، دکرنې یوشمېر لسانسه کارکوونکي د ماسترۍ او دوکتورا زده کړو دبشپړاوي په موخه یو شمېر بهرنیو هېوادونو ته دتحصیلي بورسونو له لارې واستوي.

تېرو څلورو میاشتو کې څه باندې څلورنیم میلیونو وګړو ته کاغذي پېژندپاڼې وېشل شوي دي

تېرو څلورو میاشتو کې څه باندې څلورنیم میلیونو وګړو ته کاغذي پېژندپاڼې وېشل شوي دي

١٠ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: د کاغذي پېژندپاڼو د وېش بهیر له پیله تر دې مهاله په ټول هیواد کې څلورنیم میلیونو وګړو پېژندپاڼې ترلاسه کړې دي. د کاغذي پېژندپاڼو د وېش بهیر، چې د تېرکال په سلواغې میاشت کې پیل شوی، تمه ده چې د روان کال د چنګاښ تر میاشتې پورې به دوام و مومي.د وګړو د احوالو د ثبت مرکزي ادارې رییس، همایون محتاط، چې د پنجشنبې په ورځ د روان کال د غبرګولي په ۱۰مه نېټه یې د حکومت د اطلاعاتو او رسنیو په مرکز کې د یوه خبري کنفرانس پر مهال د کاغذي پېژندپاڼو د وېش بهیر کې د پرمختګونو په اړه خبرې کولې زیاته کړه، چې د کاغذي پېژندپاڼو د وېش بهیر په وروستیو کې زیات شوی دی. هغه وویل، د روان کال د غوایي میاشتې له پنځلسمې څخه تر دې مهاله یو میلیون او دوو سوو زرو کسانو ته په مرکز او ولایتونو کې پېژندپاڼې وېشل شوې دي. د محتاط په خبره د دې شمېرې ډیری برخه ښځې تشکیلوي.د وګړو د احوالو د ثبت مرکزي ادارې رییس دغه راز وویل، چې دغه اداره د مرکز او ولایتونو په ۴۲۰ حوزو کې د کاغذي پېژندپاڼو د وېش د ۱۰۵۷ ګرځنده ټیمونو په لرلو سره په ټاکل شوی وخت کې د ۱۰ میلیونو کاغذي پېژندپاڼو د وېشلو وړتیا لري.###

د لغمان د کرنې ریاست: د انګورو د تولیداتو د ډېرولو په پار هلې ځلې کوو

د لغمان د کرنې ریاست: د انګورو د تولیداتو د ډېرولو په پار هلې ځلې کوو

٩ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

لغمان -  د کرنې، اوبولګولو او مالدارۍ وزارت ( چهار شنبه ۹ غبرګولى ) : د لغمان د کرنې، اوبولګولو او مالدارۍ ریاست چارواکي وایي هلې ځلې کوي چې، په دې ولایت کې د انګورو تولیدات ډېر او یاد ولایت د انګورو د تولیدوونکو ولایتونو په ډله کې شامل شي.د لغمان د کرنې ریاست وایي چې، د کرنې وزارت د بڼوالۍ او مالدارۍ ملي برنامې په مرسته یې د دې ولایت د قرغیو ولسوالۍ د مشال کمر په سیمه کې د ژر رسو انګورو درې جریبه نمایشي بڼ جوړه کړې ده چې، اوس یې انګور پاخه شوي دي او بازار ته د وړاندې کولو په موخه چمتو دي.د لغمان دکرنې رییس محمد جمیل خوشحال وایي: «په لغمان ولایت کې د انګورو د ژر رسو ډولونو د معرفي کولو په پار مو په دې ولایت کې د انګورو د ژر رسو ډولونو درې جریبه نمایشي بڼ جوړه کړه چې، اوس یې انګور پاخه او بازارته د عرضه کولو په موخه چمتو دي.»د ښاغلي خوشحال په خبره د انګورو د دغو ژر رسو ډولونو په ترویج سره له یوې خوا د بزګرانو او بڼوالو عواید زیاتیږي او له بلې خوانه هېواد د تازه مېوو له اړخه ځان بساینې ته نږدې کیږي.

د ناوې ولسوالۍ عينک سيمې ته د برېښنا پایو تېرولو چارې بېرته پېل شوې

د ناوې ولسوالۍ عينک سيمې ته د برېښنا پایو تېرولو چارې بېرته پېل شوې

٨ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

هلمند( سه شنبه، دغبرگولی8 مه): د ناوې ولسوالۍ عېنک سيمې ته، چې شاوخوا څلور کيلومتره اوږدوالی لري د برېښنا پايو تېرولو چارې تر ډېر ځنډ وروسته، پرون، د مرستيال او سرپرست والي مجاهدالله صفاري له لوري د پټۍ په پرېکولو سره پېل شوې.ددې پروژې د پرانېستې مراسمو کې په ټولنيزو چارو کې د ولايت مقام مرستيال بسم الله روحاني، د بېلابېلو ادارو مسُولينو، لسګونه ځايي مشرانو او اوسېدونکو ګډون درلود.د برېښنا ريس انجينر نصرالله قانع د خپلو خبرو پر مهال وويل: د لښکرګاه له بولان څخه د ناوې ولسوالۍ تر عېنک سيمې پورې چې شاوخوا څلور کيلومتره سيمه کېږي د برېښنا ۸۰ پایې په اساسي توګه تېرېږي.هغه زياته کړه، د يادې پروژې چارې پخوا پېلېدونکې وې، خو د نا امنيو له کبله وځنډېدې او دادی اوس يې بېرته چارې پېل شوې، چې په نصب کېدو سره به يې عينک سيمې ته برېښنا ورسول شي.د هلمند مرستيال او سرپرست والي مجاهدالله صفاري ددې پروژې پرانېسته د ناوې ولسوالۍ لپاره د پرمختګ زیری وباله او زياته يې کړه، برېښنا شرکت دې هڅه وکړي، چې د برېښنا د پايو لړۍ د ناوې ولسوالۍ تر مرکز پورې ورسوي، ترڅو دغه ولسوالي په بشپړه توګه د برېښنا له ستر نعمت څخه برخمنه شي.ښاغلي صفاري ددې پروژې په سمه توګه پلې کېدو سپارښتنه وکړه او د سيمې له مشرانو يې وغوښتل، چې ددغه ډول ټولګټو پروژو ساتنې ترڅنګ په چارو کې همکاري وکړي.د سيمې مشرانو ددې پروژې پر پېلېدو خوښي وښوده او ډاډ يې څرګند کړ، چې په هر اړخيزه توګه به يې ملاتړ او همکاري وکړي.

د کورنیو چارو وزارت امنیتي معین په مشرۍ د پلازمېنې کابل د لا ښه او خوندي امنیت په موخه د (۱۰۱) اسمايي زون قوماندانۍ له مسوولینو سره ګډه امنیتي غونډه ترسره شو

د کورنیو چارو وزارت امنیتي معین په مشرۍ د پلازمېنې کابل د لا ښه او خوندي امنیت په موخه د (۱۰۱) اسمايي زون قوماندانۍ له مسوولینو سره ګډه امنیتي غونډه ترسره شو

٨ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل – دکورنیو چارو وزارت (سه شنبه 8 جوزا ): د کورنیو چارو وزارت امنیتي معین په مشرۍ هغه ځانګړې امنیتي غونډه چې د کورنیو چارو وزارت رئیسانو، د کابل (۱۰۱) اسمايي زون قوماندانۍ اړونده امنیتي حوزو آمرینو، د ولسوالیو امنیه قوماندانانو، کشفي او استخباراتي مسوولینو په ګډون پرون، جوړه شوې وه، لومړی د کورنیو چارو وزارت امنیتي معین لوئ پاسوال اخترمحمد ابراهیمي د پلازمېنې کابل امنیتي وضعیت ته په اشارې سره وویل:"دا چې ملي پولیس د خلکو د خوندي امنیت ټينګښت په موخه دنده لري او شپه او ورځ هلې ځلې کوي څو د هېوادوالو لپاره لا ډاډمن امنیت خوندي کړي نو زما هیله له ټولو اړونده امنیتي مسوولینو څخه دا ده چې له دې وروسته دې د خلکو امنیتي ننګونو او ستونزو ته لا جدي پاملرنه وکړي او د خپلو ټولو امکاناتو نه په ګټې اخیستنې سره دې د اداري فساد، جنايي جرمونو، ترهګریزو پېښو د مخ نیوي او له خلکو سره د پولیسو د سم او سالم چلند په موخه دې لازمې برنامې او کوټلي ګامونه پورته کړي."د کورنیو چارو وزارت امنیتي معین په خپلو خبرو کې د پولیسو سره د خلکو په همکارۍ، د فاسدو پولیسو په نښه کول، په ښار کې د امنیتي کمرو په موخه د کابل (۱۰۱) اسمايي زون قوماندانۍ ټولو اړوندو مسوولینو ته جدي لارښونې وکړې او په ټينګار سره یې وویل، چې ستاسې سالم مدیریت او جدي تصمیم کولای شي چې د خلکو امنیتي ستونزو ته په وخت سره ځواب ووایې او خپلو امنیتي ننګونو او مشکلاتو ته مو پام ورواړوي.وروسته د کابل (۱۰۱) اسمايي زون قوماندان مل پاسوال محمد داود امین د کورنیو چارو وزارت امنیتي معین ته ډاډ ورکړ چې د کابل خوندي امنیت ټينګښت، د پولیسو ترمنځ د ښې همغږۍ، د خلکو اعتماد او باور لاسته راوړلو او د هر ډول فساد پروړاندې د مبارزې کولو په برخه کې به د کابل پولیس له هیڅ راز هلو ځلو څخه ډډه ونه کړي او د خپلو امنیتي طرحو او پلانونو له مخې به د پلازمېنې کابل لا ښه او خوندې امنیت ته لا نوره جدي پاملرنه وکړي.په غونډه کې د کابل (۱۰۱) اسمايي زون قوماندانۍ د جنايي څیړنو رئیس، د امنیتي حوزو امرینو او د ولسوالیو امنیه قوماندانو هم په خپل وار سره خبرې وکړې او د کابل ښار د لا ښه او خوندي امنیت ټینګښت په موخه یې د کورنیو چارو وزارت امنیتي معین ته ډاډ ورکړ.په پای کې د کورنیو چارو وزارت امنیتي معین د کابل (۱۰۱) اسمايي زون قوماندانۍ له ټولو مسوولینو او منسوبینو نه مننه وکړه چې د کابل ښار ډاډمن امنیت په برخه کې یې له هیڅ راز هلو ځلو څخه ډډه نه ده کړې نوموړي د ټولو مسولینو کاري راپورنه مثبت وارزول.هېره دې نه وي چې د کورنیو چارو وزارت امنیتي معین دا لومړۍ ځانګړې امنیتي غونډه ده چې د کابل امنیتي وضعیت په اړه د پلازمینې کابل له اړونده امنیتي مسوولینو سره د امنیتي وضعیت د لا ښه والي په موخه ترسره کیږي او اړونده امنیتي مسوولینو ته په کې لازمې سپارښتنې کیږي.

د نږدې څلور میلیونه افغانیو په ارزښت دوه پروژې ګټې اخیستنې ته وسپارل شوې

د نږدې څلور میلیونه افغانیو په ارزښت دوه پروژې ګټې اخیستنې ته وسپارل شوې

٦ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کندوز(یکشنبه، دغبرگولی 6مه): پرون، د کندوز پوهنتون سرک د دواړو غاړو ۱۳۰۰ متره پياده رونو دکانګریټ ریزۍ او د ۶۷ لمریزو برښنا پایو دوه جلا جلا پروژې د کندوز والي عبدالجبارنعیمي،کندوز ښاروال،مسؤلینو،دپوهنتون مشرتابه او محصلینو له لورې دپټۍ په پریکولو سره ګټې اخیستنې ته وسپارلي.کندوز والي دپټۍ دپرېکولو پرمهال وویل (( موږ د کندوز پرمختګ ته ژمن یو او کلک هوډ لرو چې په دغه ولایت کې د سرتاسري انکشاف نوي بابونه پرانیزو او په هر ځای ،سیمه ،ښار او کلي کې د ولسي غوښتو او لومړیتوبونو پراساس د پرمختګ بنیادونه کیږدو.د یادو پروژو دپرانستې پرمهال د کندوز پوهنتون مشرتابه او محصلینو وویل(( موږ ددغو پروژو په تطبیق خوشاله یو، اوس د هغو ستونزو ټغر ټول شو کوم چې ددې لارو د اساسي جوړیدو نه وړاندې موجودې وي.))

د محمدآغې له ترویجي یونټ څخه د کرنې وزیر لیدنه

د محمدآغې له ترویجي یونټ څخه د کرنې وزیر لیدنه

٦ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

لوګر - د کرنې، اوبولګولو او مالدارۍ وزارت ( یک شنبه ۶ جوزا) : د کرنې، اوبولګولو او مالدارۍ وزیر نصیر احمد دراني لوګر ولایت ته په خپل سفر کې ددې ولایت په محمدآغې ولسوالۍ کې د ترویجي يونټ او صفر درجې سړې خونې له ودانیزو چارو څخه لیدنه او څارنه وکړه.ښاغلي دراني د ترویجي یونټ د څارنې او لیدنې ترڅنګ د دې ولایت له قومي مشرانو او بزګرانو سره یوه ناسته هم وکړه او د هغوی ستونزې او وړانديزونه ېې له نږدې واورېدل.په همدې حال کې دکرنې وزېر د لوګر ولایت د کرنې ریاست ته لازمې لارښوونې وکړې ترڅو د قومي مشرانو او بزګرانو د غوښتنو لړلیک ترتیب او د حلولو په موخه یې د کرنې، اوبولګولو او مالدارۍ وزارت ته وسپاري.باید وویل شي چې، په دې سفر کې د کرنې وزیر سره د لوګر والي محمد انور اسحاقزي، دڅلورمې لېوا قومندان بریدجنرال عبدالرازق ساپی، د ولایتي شورا غړیو هر یو سید قریب الله سادات، محمد ناصر غیرت، محمد صالح، د لوګر د کرنې اوبولګولو او مالدارۍ رییس محمد دین مومند، د محمد آغې ولسوال نور محمد عبیدي، قومي مشرانو، سپین ږیرو او ځوانانو ملتیا کوله.

د بلخ ولایت پر ۱۱۹۰ مالدارانو د کشمیرې ټولولو بستې ووېشل شوې

د بلخ ولایت پر ۱۱۹۰ مالدارانو د کشمیرې ټولولو بستې ووېشل شوې

٦ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

بلخ - د کرنې، اوبولګولو او مالدارۍ وزارت ( یک شنبه ۶ غبرګولى) : د کرنې، اوبولګولو او مالدارۍ وزارت خپل له دویم ملي لومړیتوب څخه د ملاتړ برنامې له لارې د بلخ ولایت په نهرشاهي، خلم او شولګرې ولسوالیو کې پر یو زر او ۱۹۰ مالدارو کورنیو د کشمیرې ټولولو بستې ووېشل.له مالدارانو سره د دغو همکاریو موخه د کشمیرې د اهمیت په موخه پوهاوي ورکول او په کلیو کې د کشمیرې د ټولولو رواجول دي.باید وویل شي چې، له دغو بستو څخه برخمن شوي مالدارانو په ژمي کې د کشمیرې له ټولو مخکې مهارتونه او په پسرلي کې چې، د کشمیرې ټولوو ښه وخت دي د کشمیري د ټولولو د پروسې عملي مهارتونه هم زده کړي دي.

د اداري اجراآتو قانون په عامه اداره کې هر ډول تبعیضي اداري عمل منعه کړی دی

د اداري اجراآتو قانون په عامه اداره کې هر ډول تبعیضي اداري عمل منعه کړی دی

٢ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: د اداري اجراآتو قانون سږکال د وري په پنځه لسمه د تقنیني فرمان پر بنسټ رسمي جریده کې خپور او د تصویب په موخه ولسي جرګې ته لېږل شوی دی. د عدلیې وزارت ویاند، امان ریاضت وویل، چې ټولې ادارې ملکفیت لري ترڅو په خپلو ادارو کې د دې قانون د حکمونو په اړه پوهاوی زیات کړي او د یاد قانون د حکمونو د ښه پلي کېدو په موخه د اداري اصلاحاتو او ملکي خدمتونو کمیسیون له وزارتونو او اړوندو ادارو سره په همکارۍ کولی شي د مقررو وړاندیز وکړي او طرزالعملونه وضعه کړي. ریاضت، چې د چهارشنبې په ورځ د روان کال د غبرګولي په دوهمه یې د حکومت د اطلاعاتو او رسنیو په مرکز کې د یوه خبري کنفرانس پر مهال خبرې کولې زیاته کړه:" د اداري اجراآتو د قانون پر بنسټ په عامه اداره کې هر ډول تبعیضي اداري عمل منعه دی او عامه اداره یې مکلفه کړې، چې د اداري چارو د اجرا پر مهال له هر ډول کورنیو، سمتي، قومي، مذهبي، ګوندي، جنسیتي او ژبنیو اړیکو له پاللو څخه ډډه وکړي." د اداري چارو سمبالښت، د عامه ادارې او خلکو ترمنځ د اړیکو سمبالښت، په اداري پرېکړو کې د افرادو له حقونو او مشروع ګټو څخه ملاتړ او د اداري اجراآتو له تطبیق څخه ډاډ تر لاسه کول، چې عامه او خصوصي ګټې او اړتیاوې برابروي د دغه قانون له اصلي موخو څخه دي.د اداري اجراآتو د قانون پر بنسټ عامه اداره ملکفه ده، چې په خپلو اجراآتو کې د اساسي قانون حکمونه او نور تقنیني اسناد رعایت کړي او همدارنګه عامه مقام مکلف دی، چې خپل اجراآت د ورکړل شوی قانوني صلاحیت په حدودو کې ترسره کړي.د ریاضت په خبره دغه قانون کې وړاندوینه شوې، چې عامه اداره د هغو پریګړو پر وړاندې مسووله ده، چې د چارواکو د بې غورۍ له کبله ترسره کېږي او خلکو ته پکې زیان اوړي په همدې خاطر عامه اداره مکلفه ده، چې خلکو ته د خبرو اترو زمینه برابره او د هغوی غوښتنو ته ځواب ووایي.د دې ترڅنګ دولتي ادارې مکلفیت لري، چې خلکو ته د عامه خدمتونو د وړاندې کولو په موخه د مالوماتي څانګې رامنځته کړي دغه راز کاري پروسې ساده، لنډې او اغیزمنې کړي، مراجعینو ته مالومات او اړین امکانات برابر او خپلې کاري پروسې د ادارو پر لوحو ولیکي. د عدلیې وزارت ویاند دې ټکي ته د تینګار ترڅنګ، چې هر شخص کولي شي د ادارې د پریکړې پر وړاندې، چې د هغه مشروع حقونه او ګټې یې زیانمنې کړې وي اعتراض وکړي، زیاته کړه:" د دې قانون د شرایطو له مخې د هر شخص اعتراض دې په پیل کې له ادارې سره شریک شي او کله چې د یادې ادارې لخوا دغه اعتراض رد شي، اعتراض کوونکی کولی شي د خپل اعتراض په اړه محکمه کې دعوه وکړي." د اداري اجراآتو قانون د اساسي قانون د ۵۰ او ۵۱ مادې د حکمونو پر بنسټ وضع شوی، چې ۵ فصله او ۷۵ مادې لري.   ###

د امنیتي ځواکونو په عملیاتو کې ۶۰ ترهګر وژل شوي

٨ ليندی -٦٢٣ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

کابل، افغانستان: د تېرو څلورویشتو ساعتونو په اوږدو کې د امنیتي او دفاعي ځواکونو د عملیاتو او هوایي بریدونو په پایله کې ۶۰ ترهګر وژل شوي او ۱۴ نور یې ټپیان دي.له یادې ډلې ۲۰ ترهګر د تخار په دشت قلعه ولسوالۍ، ۱۴ ترهګر د بلخ په چمتال ولسوالۍ، ۱۲ ترهګر د فاریاب د دولت آباد ولسوالۍ په فیروزي او چهارشنګو کلي، ۱۱ ترهګر د سرپل- جوزجان د لویې لارې د پنجشیریانو کلي اړوند سیمه، ۲ ترهګر د کندهار د میوند ولسوالۍ په سور بغل سیمه او یو ترهګر د غزني د خوګیاڼو ولسوالۍ په سره قلعه سیمه کې وژل شوي دي.د ملي دفاع وزارت مرستیال ویاند، برید جنرال محمد رادمنش، چې د چهارشنبې په ورځ د روان کال د غبرګولي په ۱۶مه نېټه یې د حکومت د اطلاعاتو او رسنیو په مرکز کې یوه خبري کنفرانس ته وینا کوله، زیاته کړه: " اوس مهال د ترهګرو د له منځه وړلو په موخه په ۹ ولایتونو کې د امنیتي او دفاعي ځواکونو لخوا ۹ تعرضي عملیات روان دي. کومانډو ځواکونو په یو شمېر ولایتونو کې ۶ تهاجمي عملیات تر سره کړي او د ترهګرو د پټنځایونو د له منځه وړلو په موخه هم ۵ هوایي بریدونه شوي دي".په همدې حال کې د ملي اردو د انجنیرۍ ټیم لخوا ۳۳ کړۍ ماینونه چې د ترهګرو لخوا د هیواد په بېلا بېلو سیمو کې ځای پر ځای شوي وو، کشف او شنډ شوي دي.د ملي دفاع وزارت مرستیال ویاند، ننګرهار، غزني، ارزګان، هرات، نیمروز، فاریاب، تخار، بغلان او هلمند ولایتونو کې د امنیتي او دفاعي ځواکونو علمیات بریالي وبلل او زیاته یې کړه، چې یاد عملیات په بریالیتوب سره پر مخ روان دي.###

د نورستان دښځو چارو ریاست د ودانۍ چارې پیل شوې

د نورستان دښځو چارو ریاست د ودانۍ چارې پیل شوې

١ غبرګولی ١٣٩٧ د حکومت د اطلاعاتو او رسنیو مرکز د حکومت د اطلاعاتو او رسنیو مرکز

دنورستان والي ښاغلي حافظ عبدالقیوم چې پرون یی، د ښځو چارو ریاست د ودانۍ د جوړونې د کار دپیل په موخه پټۍ پرېکړه وویل :دښځو چارو ریاست ودانۍ چې د کور او ښار جوړونې وزارت د (۱۲،۹ ) میلیونو افغانیو په ارزښت جوړیږي په دوه پوړه کې به ۱۱ اداري کاري خونې ولري او دکار ټولې چارې به یی په یوه کال کې بشپړې شي.دنورستان والي ښاغلي حافظ دښځو چارو ریاست له مسولینو او د کور او ښاروجوړونې ریاست له مسولینو مننه وکړه چې ددې ودانۍ د جوړونې په موخه یی خپلې کاري هڅې کړې او په پایله کې یی د یوې ښې ودانې د جوړیدنې دکار دپیل شاهدان یو دښځو چارو ریاست رئیسې اغلې زاهیدې فیضان د یاد ریاست د ودانۍ دجوړیدنې د کار له پیله خوښې وښوده او د ولایت له ټولو اداري ریسانو یی مننه وکړه چې دافتتاح په دغه مراسمو کې یی برخه واخیستهدکور او ښار جوړونې ریاست رئیس انجینر سلیم الله صافي وویل : د ښځو چارو ریاست ودانۍ په څلور بسوه او اوه دیرشت متره مربع ساحه کې د ۴۴ متره په اوږدوالي اود ۱۷ متره په پراخوالي سره جوړیږي